पाल्पा । जिल्ला प्रहरी कार्यालय पाल्पाले नगद रकम सहित ७ जना जुवाडेलाइ पक्राउ गरेको छ । प्रहरीले जिल्लाको तानसेन नगरपालिकाबाट नगद रकमसहित ७ जुवाडेलाई पक्राउ गरेको हो । शनिवार साँझ तानसेन नगरपालिका–२ बडिज्ञान टोलस्थित एक घरबाट ९२ हजार भन्दा बढी नगदसहित ७ जुवाडे पक्राउ परेका प्रहरीले जनाएको छ ।
जिल्ला प्रहरी कार्यालय पाल्पाबाट प्रहरी नायव उपरीक्षक सुगन्ध श्रेष्ठको नेतृत्वमा खटिएको प्रहरी टोलीले बडिज्ञान टोलस्थित एक घरको कोठाबाट जुवाडेलाई नगदसहित पक्राउ गरेको हो । प्रहरीले उनीहरुको साथबाट ९२ हजार ४ सय २५ नगद रकम बरामद गरेको छ ।
प्रहरीले लामो समयदेखि जुवाखाल सञ्चालन भइरहेको भन्ने गोप्य सूचनाको आधारमा खोजतलास गर्दा कोठाभित्र जुवा खेलिरहेको अवस्थामा उनीहरुलाई पक्राउ गरेको हो । प्रहरीले उनीहरुको साथबाट ३ सय २५ पत्ति तास पनि फेला पारेको छ । जुवाडेलाई नियन्त्रणमा लिई थप अनुसन्धान प्रक्रिया अगाडि बढाईएको जिल्ला प्रहरी कार्यालयका प्रहरी नायव उपरीक्षक सुगन्ध श्रेष्ठले जानकारी दिनुभयो ।
