भारतले दियो पाकिस्तानलाई ३५७ रनको लक्ष्य

काठमाडौं । एसिया कप–२०२३ को सुपर फोरमा भारतले पाकिस्तानलाई ३५७ रनको लक्ष्य दिएको छ ।
श्रीलंकाको आर प्रेमादसा रंगशालामा वर्षाले प्रभावित खेलमा टस हारेर ब्याटिङमा आएको भारतले निर्धारित ५० ओभरमा दुई विकेट गुमाएर ३५६ रनको योगफल खडा ग¥यो ।
भारतका विराट कोहलीले १२२ रन बनाए । कोहलीले ९४ बलमा नौ चौका र तीन छक्का प्रहार गरे । कोहलीलाई क्रिजमा साथ दिएका केएल राहुलले १०६ बलमा १२ चौका र दुई छक्कासहित १११ रन जोडे ।
१२३–२ को अवस्थामा रहँदा यी दुईले अविजित २३५ रनको साझेदारी गर्दै भारतलाई विशाल योगफलसम्म डोहो¥याएका हुन् ।
एकदिवसीय अन्तर्राष्ट्रिय क्रिकेटमा भारतले तेस्रो विकेटका लागि गरेको यो दोस्रो सबैभन्दा ठूलो साझेदारी हो । यसअघि भारतले केन्याविरुद्ध सन् १९९९ मा तेस्रो विकेटका लागि २३७ रनको साझेदारी गरेको थियो ।
पाकिस्तानविरुद्ध पहिलो विकेटका लागि कप्तान रोहित शर्मा र सुभमन गिलले १२१ रनको शतकीय साझेदारी गर्दै भारतलाई उत्कृष्ट सुरुआत गरेका थिए ।
सुभमन गिलले १० चौकासहित ५८ रन जोडे । कप्तान रोहितले ४९ बलमा ६ चौका र चार छक्कासहित ५६ रन बनाए ।
बलिङमा भारतविरुद्ध प्रभावहीन बनेको पाकिस्तानबाट साहिनसाह अफ्रिदी र सदाब खानले समान एक विकेट लिए ।
यी दुई टिमबीचको खेल आइतबारका लागि तय भए पनि वर्षाले सम्भव नहुँदा ‘रिजर्भ डे’मा सरेको थियो ।
यसअघि आइतबार भारतले २४.१ ओभरमा दुई विकेट गुमाएर १४७ रन बनाउँदा वर्षा भएपछि खेल रोकिएको थियो ।