बुटवल । नेपाली कांग्रेस रुपन्देहीका सभापति तथा तिलोत्तमा नगरपालिकाका मेयर रामकृष्ण खाँणले भन्सारमा गरेको कडाईले स्थानीय व्यापारमा सुधार आए पनि रोजगारीको लागि गई घर आउनेलाई १०० रुपैयाँ भन्दा बढीको समानको आयातको अर्थ लगाई दुःख दिनु गलत भएको बताउनु भएको छ ।
नेपालीहरुका चाड पर्व नजिकिदै गर्दा रोजगारीको सिलसिलामा विदेशबाट घर फर्कनेको संख्या हरेक वर्ष जस्तै यो वर्ष पनि बढ्दो रहेको र भारत लगायतका तेश्रो मुलुकमा रोजगारीको सिलसिलामा गइ घर फर्कदा घर परिवारका लागि चाहिने सिमित अत्यावश्यक बस्तु ल्याउदा समेत १०० रुपैयाँ भन्दा बढिको माल बस्तु आयातको अर्थ लगाइ राजश्व बढाउने वाहानामा दुःख दिने र असुली गर्नु कदापी पनि स्विकार्य नहुने सभापति खाँणले बताउनु भएको हो ।
‘नेपालको सामाजिक परिवेश र सांस्कृतिक विविधताको कारण चाड पर्वहरु नजिकिदै गर्दा रोजगारीको सिलसिलामा विदेशबाट घर फर्कनेको संख्या हरेक वर्ष जस्तै यो वर्ष पनि बढ्दो छ । नेपालको सन्दर्भमा वैदेशिक रोजगारीमा गएकाहरुबाट पठाएको रेमिटान्स नै अर्थतन्त्रको मेरुदण्ड र विदेशी मुद्रा आर्जनको मुख्य श्रोत बनेको सन्दर्भमा भारत लगायतका तेश्रो मुलुकमा रोजगारीको सिलसिलामा गइ घर फर्कदा घर परिवारका लागि चाहिने सिमित अत्यावश्यक बस्तु ल्याउदा समेत र १०० रुपौयाँ भन्दा बढिको माल बस्तु आयातको अर्थ लगाइ राजश्व बढाउने वाहानामा दुःख दिने र असुली गर्नु कदापी पनि स्विकार्य हुदैन ।’ सभापति खाँणद्वारा जारी विज्ञप्तिमा भनिएको छ ।
विज्ञप्तीमा बेलहिया लगायतका भन्सार कार्यालयहरुबाट चोरी पैठारी र न्यून विजकिकरणमा अपनाइएको सावधानी र सतर्कताको कारण स्थानीय बजारको ब्यापारमा आएको सुधार र राजश्वको सकारात्मक बढोत्तरीले केही आशा लाग्दो परिस्थितिको संकेत देखा परेकोमा खुशि व्यक्त गरिएको छ ।
‘पछिल्लो केही महिना यता देखि नेपाल भारत सिमामा रहेका बेलहिया लगायतका भन्सार कार्यालयहरुबाट चोरी पैठारी र न्यून विजकिकरणमा अपनाइएको सावधानी र सतर्कताको कारण स्थानीय बजारको ब्यापारमा आएको सुधार र राजश्वको सकारात्मक बढोत्तरीले केही आशा लाग्दो परिस्थितिको संकेत गरेको छ । व्यवसायिक प्रयोजनका लागि हुने चोरी पैठारी र निकासीले स्थानीय र राष्ट्रिय अर्थतन्त्रमा समेत प्रतिकुल असर गर्दछ भन्ने तथ्यलाइ मनन गर्दै सरकार र सम्बन्धित निकायबाट भएका प्रयासको स्थानीय सरकार र जनस्तरबाट समेत साथ र समर्थन रहदै आएको छ ।’ विज्ञप्तीमा उल्लेख गरिएको छ ।
