पाल्पा । पाल्पाको रिब्दिकोट गाउँपालिका-२ जोर्तेमा पहिरोले जीप पुर्दा ३ जनाको मृत्यु भएको छ । ८ जना घाइते भएका छन्। गुल्मीको तम्घासबाट बुटवल आउदै गरेको लु १ ज ४६०० नम्बरको स्कार्पियो गाडी जोर्तेमा आइपुग्दा पहिरोमा परेको हो।
जिला प्रहरी कार्यालय पाल्पाका प्रहरी नायव उपरीक्षक (डिएसपी) बीरेन्द्र थापाका अनुसार पहिरोमा परी ३ जनाको घटनास्थलमै मृत्यु भएको र तीन बच्चासहित ८ जनालाई उद्धार गरिएको छ ।
भाडाको स्कार्पियो गाडी आज बिहान साढे ८ बजे जोर्तेमा पहिरोले च्यापिएको जिल्ला ट्राफिक कार्यालय पाल्पाले जनाएको छ । पहिरो खसेपछि पाल्पा–गुल्मी सडकखण्ड बन्द भएको प्रहरिले जनाएको छ ।
