भैरहवा । नेपाली कांग्रेस रुपन्देहीका सभापति रामकृष्ण खाँणले रुपन्देहीलाई पार्टीको राजनीतिक खेलमैदान बनाउन नहुनेमा जोड दिनुभएको छ ।
पार्टी राजनीतिलाई खेलमैदान बनाउदा पार्टी कमजोर हुने र पार्टी कमजोर हुँदा एउटा नेता मात्र नभएर पार्टीसगं जोडिएका सवै नेता कार्यकर्ता कमजोर हुने भएकाले पार्टीलाई कमजोर नभएर बलियो बनाउने तर्फ सवै लाग्नुुपर्ने उहांले बताउनु भयो ।
नेपाली कांग्रेस रुपन्देही क्षेत्रनम्वर ३ प्रदेश सभा (क) को प्रथम सम्मेलनको शनिवार भैरहवामा उद्घाटन गर्दै तिलोत्तमा नगरपालिकाका प्रमुख समेत रहेका सभापति खाँणले जिल्ला कार्यसमिति सर्वसम्वत चयन भएको स्मरण गराउंदै सवै आआफ्नो ठाउंबाट पार्टीलाई सवैको साझा, गतिसिल, बलियो र चलायमान बनाउन लाग्नुु पर्नेमा जोड दिनुभयो ।
‘ब्यक्तिगत रुपमा को कससगं नजिक छ वा कसले कस्लाई नेता मान्छ भन्ने कुरा गौंण हो । समग्रमा सबै पार्टीको हितमा लाग्नुु पर्छ । पार्टी कमजोर बनाउने गतिविधि गर्दा सवै कमजोर भैईन्छ ।’ खाँणले भन्नुभयो ।
प्रदेश सभापति सुुरेन्द्रजगं थापाको सभापतित्व, उपसभापति गोविन्द प्रसाद बस्यालको स्वागत, सचिव यमबहादुर थापाको सचांलनमा भएको कार्यक्रममा क्षेत्रिय सभापति शुुसिल गुुरुङ्ग, प्रदेश सभा सदस्य देवि प्रसाद चौधरी, सिद्धार्थ नगरपालिकाका मेयर ईस्तियाक अहमद खान, प्रदेस उपसभापति बिरेन्द्र श्रीवास्तव, सिद्धार्थ नगरसभापति कोशिस बहादुर खड्का, नेताहरु लक्ष्मण सुवेदी, रमा अर्याल, महेन्द्र कुमार श्रेष्ठ, मिना भण्डारी, भवानी बेल्बासे, तिलकराम ज्ञवाली, बिजय धवल, दामोदर शर्मा, कविता लामिछानेलगायतले बोल्दै पार्टीलाई एकढिक्का बनाएर आगामी निर्वाचनमा एकल प्रतिस्पर्धा गर्न सक्षम बनाउने तर्फ लाग्नुुपर्ने बताउनु भयो ।
कार्यक्रममा सचिव सुधा कुँवरले बार्षिक प्रतिवेदन एवं कोषाध्यक्ष दिपक कुँवरले आर्थिक प्रतिबेदन पेस गर्नुभएको थियो ।
