कलाकर्मीहरुको सम्मान, सुरक्षा र पहिचानको सवालमा कांग्रेस गम्भीर नभएको गुनासो

बुटवल । नेपाल सांस्कृतिक महासंघको लुम्बिनी प्रदेश स्तरिय भेला तथा अन्तरक्रिया कार्यक्रम शनिवार बुटवलमा सम्पन्न भएको छ । लुम्बिनी प्रदेश समितिको आयोजना र रुपन्देही जिल्ला समितिको सहजीकरणमा भएको भेलामा सहभागि महासंघ लुम्बिनी प्रदेशका १२ वटै जिल्लाका सभापतिहरुले कलाकर्मीहरुको सम्मान, सुरक्षा र पहिचानको सवालमा अभिभावका रुपमा रहेको नेपाली काँग्रेस गम्भिर नभएको गुनासो गरेका थिए ।
कार्यक्रममा नेपाल सांस्कृतिक महासंघका केन्द्रिय सभापति तिर्थ बहादुर थापाले सांस्कृतिक कर्मीहरुको सम्मानका लागि महासंघको स्थापना गरिएको बताउनुभयो । उहांले कलाकर्मीहरुले केवल सम्मान, पेशाको सुरक्षा र पहिचानका लागि मात्र महासंघमा आवद्धता नजनाएको बताउंदै सांस्कृतिककर्मीले मात्र देशमा परिवर्तन गर्न सक्छन् भन्ने भावना नेपाली काँग्रेसले बुझ्न जरुरी रहेको भनाइ राख्नुभयो । सांस्कृतिक महासंघको मूल्य र मान्यता उच्च रहेपनि पार्टीले सो अनुरुप बुझ्न नसक्दा कलाकर्मीहरुलाई महासंघमा अडाई राख्न समस्या भएको उहांले बताउनु भयो ।
भेलामा नेपाल सांस्कृतिक महासंघका महामन्त्री शिवसंकर रिजाल (जोगिन्दर) ले नेपाली काँग्रेसलाई कसरी वलियो बनाउन सकिन्छ भनेर सांस्कृतिक महासंघ लागि परेको भन्दै पार्टीलाई सबल र सक्षम वनाउन समयसमयमा कार्यक्रम समेत गर्ने गरेको बताउनु भयो । सांस्कृतिक महासंघको महत्वलाई पार्टीले सदुपयोग गर्न सुझाव दिदै उहांले यस पेशामा आवद्ध कलाकर्मीको संरक्षणका लागि टेवापुग्ने गरि प्राथमिकता दिन माग गर्नुभयो ।
कार्यक्रममा वोल्दै लुम्बिनी प्रदेशका सभापति डिल्लीनारायण पाण्डेले नेपाली काँग्रेस भित्र गुटउपगुट देखिए पनि नेपाल सांस्कृतिक संघ लुम्बिनी प्रदेशमा गुउपगुटको असर नपरेको वताउनु भयो । उहांले सांस्कृतिक संघलाई नेपाली काँग्रेस पार्टीले प्राथमिकतामा राख्न जरुरी रहेको भन्दै सांस्कृतिक संघको जुन महत्व छ सोही अनुसार पार्टीले स्थान नदिदा कलाकर्मीहरुको सम्मानमा कमी आएको गुनासो गर्नुभयो ।
नेपाल सांस्कृतिक महासंघलाई स्थानीय तहसम्म पुराउन र हरेक स्थानीय तहमा समिति गठन गरि जिल्ला र प्रदेश समिति चयन गरि आगामी मंसिर सम्ममा केन्द्रिय समितिको महाधिबेशन गर्ने गरि महासंघले अभियान शुरु गरेको छ ।
सोही अभियान अन्तर्गत लुम्बिनी प्रदेशमा पहिलो पटक भेलाको आयोजना गरिएको हो । भेलामा नेपाल सांस्कृतिक महासंघ रुपन्देहीका सभापति राधेश्याम राजभण्डारी, खिमानन्द भटृराई, प्रचण्ड जिसी, बाबुराम घिमिरे लगायतले महासंघलाई सशक्त बनाउने गरि कार्यक्रम ल्याउन जरुरी रहेको बताउनुभयो ।
कार्यक्रम महासंघका केन्द्रीय सदस्य दिपु मगरको सञ्चालमा कार्यक्रम सम्पन्न भएको थियो ।