बुटवल । गुल्मीका पत्रकार कृष्ण अन्जान ज्ञवालीको निधन भएको छ । गुल्मीमा बसेर पत्रकारिता गरिरहेका पत्रकार ज्ञवालीको बुटवल स्थित लुम्बिनी प्रादेशिक अस्पतालमा उपचारका क्रममा निधन भएको हो ।
लामो समयदेखि मधुमेहका बिरामी रहेका ज्ञवालीको उपचारको क्रममा हृदयघातबाट निधन भएको अस्पतालले जनाएको छ ।
अन्जान पछिल्लो समय गुल्मीको रुरु गाँउपालिकाको थोर्गामा रहेर ग्रामिण पत्रकारितामा सक्रिय रहेका थिए । गुल्मी रुरु १ थोर्गा स्यालपोखरीमा स्थायी घर भएका ज्ञवालीले ग्रामीण क्षेत्रको पत्रकारितामा दख्खल राख्थे । मृतक अन्जानको शव अहिले लुम्बिनी प्रादेशिक अस्पतालमा राखिएको छ । पारिवारिक श्रोतका अनुसार भोलीमात्र गुल्मीको रिडीधाममा शवको दाहसंस्कार गरिने छ ।
गीत संगितमा समेत रुचि राख्ने उनले थुप्रै गीतहरु सिर्जना समेत गरेका छन् । उनको परिवारमा श्रीमती तथा १ छोरी र १ छोरा छन् ।
