भैरहवा । पेस्तोल फायर गरी फरार भएका अभियुक्तलाई जिल्ला प्रहरी कार्यालय रुपन्देहीले पक्राउ गरेको छ । गएको जेठ १९ गते राती करिव पौने १२ वजेको समयमा कोटहीमाई गाउँपालिका वडा नं। ६ पर्सहवा बस्ने श्रीराम यादवलाई काम गरिरहेको स्थानतिर पेस्तोल जस्तो देखिने हतियारद्धारा फायर गरी फरार रहेको अभियुक्तलाई प्रहरीले पक्राउ गरेको हो ।
प्रहरीले पेस्तो फायर गर्ने मर्चवारी गाउँपालिका वडा नं।४ पुन्हिकोट बाट दुबलिया जाने बाटोको खैरा गाँउमा सडक पिच गर्ने क्रममा लु ३३ प ७६५३ नं। को सुपर स्पिलिन्डर मोटरसाईलकमा आएको मर्चवारी गाउँपालिका वडा नं।४ महदेबा बस्ने बर्ष ३० को राजु यादव भन्ने ईन्द्रकेश यादवलाई पक्राउ गरेको छ ।
निज यादवले बाटो मर्मत गर्ने निर्माण व्यवसायी संग वादविवाद गरी बाटो पिच गर्ने क्रममा अवरोध सिर्जना गरेको र श्रीराम यादवले काम गरिरहेको स्थानतिर पेस्तोल जस्तो देखिने हतियार द्धारा फायर गरी फरार रहेकोमा अनुसन्धानको क्रममा खोजतलास गर्दै जांदा यही साउन १ गते मर्चवारी गाउँपालिका वडा नं। ४ मर्चवारी स्थित निजकै घर वतनमा फेला पारी प्रहरी पक्राउ गरेको हो । पक्राउ परेका यादवलाई रुपन्देही जिल्ला अदालतबाट ५ दिन को म्याद थप अनुमति लिई “ज्यान मार्ने उद्योग र हातहतियार खरखजना कसूर”मुद्धामा अनुसन्धान कार्य भईरहेको प्रहरीले जनाएको छ ।
प्रहरीले लु ३३ प ७६५३ नं। को सुपर स्पिलिन्डर मोटरसाईलक–१ थान, मेड टाईप ५४ चाईनिज पेस्तोल जस्तो देखिने हतियार– १ थान, सोमा लाग्ने गोली राउण्ड– २ थान र फायर भएको खोका १ थान बरामद गरेको छ ।
सवारी ज्यान मुद्दाका फरार अभियुक्त १९ वर्ष पछि पक्राउ
इलाका प्रहरी कार्यालय बुटवल रुपन्देहीले सवारी ज्यान मुद्दामा वारदात पश्चात फरार रहेका अभियुक्तलाई १९ वर्ष पछि पक्राउ गरेको छ ।
२०६० साल भदौ २९ गते बिहान करिव ९ बजेको समयमा बुटवल उप–महानगरपालिका वडा नं।–८ शान्तिपथमा लु १ त ५३०६ नं।को ट्याक्टरले सोही ठाउं बस्ने बिनोद भुषालको नबालिका छोरीलाई ठक्कर दिंदा वालिकाको घटनास्थलमै मृत्यु भएको थियो ।
सो सवारी ज्यान मुद्दामा घटना पश्चात फरार रही अनुसन्धानको क्रममा खुल्न आएका फरार अभियुक्त ईन्द्र प्रसाद थारुलाई खोजतलास गर्ने क्रममा यही साउन २ गते बुटवल उप–महानगरपालिका वडा नं।१७ बाट ईलाका प्रहरी कार्यालयबाट खटि गएको प्रहरी टोलिले पक्राउ गरेको हो । निजलाई रुपन्देही जिल्ला अदालतबाट म्याद थप लिई अनुसन्धान भई रहेको प्रहरीले जनाएको छ ।
