भैरहवा । जिल्ला प्रहरी कार्यालय रुपन्देहीले करिव १० लाख मूल्य बराबरका विभिन्न कम्पनीका मोवाईल तथा मोबाईलका सामानहरु वरामद गरेको छ ।
जिल्ला प्रहरी कार्यालय रुपन्देहीबाट खटिएको प्रहरी टोलीले भारतबाट नेपाल तर्फ अबैध रुपमा भन्सार छली चोरी पैठारी गरी ल्याउदै गरेको अवस्थामा बुटवल उप–महानगरपालिका वडा नं. १२ रामनगरबाट मोबाईल तथा मोवाईलका सामानहरु बरामद गरेको हो ।
प्रहरीका अनुसार जिल्ला रुपन्देही शुद्धोधन गाउँपालिका वडा नं. ४ बस्ने बर्ष २३ को दिनानाथ थारुले चलाएको लु३५प ९७५७ नं. को स्कुटीमा बिभिन्न किसिमका मोवाईल २३ थान, बिभिन्न कम्पनिका मोवाईलका चार्जर तथा डाटा केवल २१७ पिस, बिभिन्न किसिमका मोवाईलका डिस्प्ले ११८ पिस, सादा मोवाईलका व्याट्री ५०० पिस र आईफोन कम्पनिको मोवाईलको कभर ३४ पिसगरी स्कुटी सहित अन्दनजी मुल्य ९ लाख ७४ हजार ५०० बरावरको सामानहरु बरामद गरिएको हो ।
बरामद गरिएका मोवाईल र मोवाईलका सामान, सवारी साधन र मानिससमेतलाई आवश्यक कारवाहीको लागि भैरहवा भन्सार कार्यालय बेलहिया रुपन्देहीमा पठाइएको प्रहरीले जनाएको छ ।
