बुटवल । बुटवल उपमहानगरपालिका–९, कालिकापथमा यस क्षेत्रकै ठूलो लगानीमा प्लान बी क्लब सञ्चालनमा आएको छ । डेढ वर्ष अघि आगलागीबाट क्षति ब्यहोरेको क्लब पुनः मर्मत गरी सञ्चालनमा ल्याइएको हो ।
काठमाण्डौ र पोखरापछि ठूलो लगानी दाबी गरिएको नाइट क्लब प्लान बि डिस्को प्रा.लि. रात्रीकालिन बजारलाई लक्षित गरी सञ्चालन हुने छ । नाइट क्लब प्लान बि डिस्को प्रा.लि.ले आज (शनिबार)देखि आफ्नो सेवा शुभारम्भ गर्न लागेको छ ।
प्लान बि डिस्को प्रा.लि.ले शुक्रबार आयोजना गरेको पत्रकार सम्मेलनमा आन्तरिक तथा बाह्य पर्यटकहरुलाई रात्रीकालिन गित संगित र नृत्यबाट मनोरन्जन दिने उद्देश्यका साथ क्लबको शनिबारदेखि सफ्ट ओपनिङ गर्न लागिएको क्लवका संचालक सुरेश श्रेष्ठले जानकारी गराउनु भयो । उहांका अनुसार उद्घाटनमा सबिन एण्ड फाराडोको प्रस्तुति रहने छ ।
लगानी, पुर्वाधारका हिसाबले काठमाण्डौ र पोखरापछि बुटवलमा प्लान बि एक भएको संचालक श्रेष्ठले वताउनुभयो । उहांका अनुसार करिब ५।५ कठ्ठा क्षेत्रफलमा पुर्वाधार तयार भएको रेष्टुरेन्ट र डिस्को युवाहरुको मनोरञ्जनको लागि उत्कृष्ट गन्तव्य बन्ने छ ।
लाईट सिस्टम, साउण्ड सिस्टम र खाजा हाईजेनिक रहेको छ । क्लबको १ हजार ५ सय जना अटाउने र रेष्टुरेन्टको ३ सय ५० अट्न सक्ने क्षमता रहेको छ । साँझ ६ बजेदेखि राती १० बजेसम्मको समय फेमिली टाइमको अफर हुने क्लवले जनाएको छ ।
प्लान बि मा किचन, बार, सुरक्षा, सरसफाईका गरि ८० जना भन्दा बढि युवाहरुले रोजगारी पाउने क्लबका प्रबन्ध निर्देशक कमल रानाले बताउनुभयो । क्लबका संयोजक सन्तोष सुवेदीले बुटवलमा क्लब कल्चरको विकासमा यसले महत्त्वपूर्ण योगदान दिने उल्लेख गर्नुभयो । आकर्षक डिजाईनमा तयार भएको क्लबबाट पर्यटन प्रवद्र्धनमा समेत टेवा पुग्ने उहांले बताउनु भयो ।
क्लवमा आउने ग्राहकहरुले १० बाई २० को एलईडी स्क्रिन, उच्चस्तरको साउण्ड क्वालिटीको सेवा लिनेछन् । यसैगरी क्लवमा वर्थडे तथा एनिभर्सरीका लागि सेपरेट क्याबिन, फुल सिसिटिभि क्यामराका साथै हाई सेक्युरिटी सुबिधा रहेको छ ।
पत्रकार सम्मेलनमा क्लबका संचालक जीवकान्त काफ्लेले भारतीय पर्यटकलाई बुटवलमा भुलाउन सकिने थलोको अभावको बेला यो उपयुक्त हुने दाबी गर्नुभयो । उहांले क्लवको संरचना निर्माणमा पाँच जना युवाहरुको करिब १२ करोड रुपैयाँभन्दा बढीको लगानी रहेको बताउनु भयो ।
क्लवले रात्रीकालिन समयमा ग्राहकहरुलाई मनोरञ्जन दिन जिल्ला प्रशासन कार्यालय रुपन्देहीबाट राती १ बजेसम्म सेवा सञ्चालनको स्वीकृति लिएको छ ।
