बुटवलमा रहेको आगन्तुक सहकारीका अध्यक्ष घर्ती पक्राउ : बचतकर्ताको रकम अपचलन गरेको आरोप

बुटवल । बुटवलको अमरपथमा रहेको आगन्तुक बचत तथा ऋण सहकारी संस्था लिमिटेडका अध्यक्ष राजु घर्तीलाई प्रहरीले पक्राउ गरेको छ । बचकर्ताको रकम अपचलन गरेको आरोपमा प्रहरीले घतीृलाई पक्राउ गरेको हो ।
जिल्ला प्रहरी कार्यालय रुपन्देहीबाट खटिएको प्रहरी टोलीले सहकारीलाई समस्याग्रस्त बनाएर सम्पर्क विहिन बनेका घर्तीलाइ पक्राउ गरेको हो ।

जिल्ला प्रहरी कार्यालय रुपन्देहीका प्रहरी नायव उपरीक्षक श्यामु अर्यालका अनुसार सहकारीका बचतकर्तालाई रकम नदिएको भन्ने उजुरीका आधारमा सहकारीका अध्यक्ष घर्तीलाई पक्राउ गरिएको हो । घर्ती माथि थप अनुसन्धान भइरहेको प्रहरी नायव उपरीक्षक (डिएसपी) अर्यालको भनाई छ । घर्ती विरुद्ध ५० भन्दा बढि बचतकर्ताले प्रहरीमा निवेदन दिएका छन् ।