११ बर्षीया बालिकालाई बलात्कार गरी फरार ब्यक्ति पक्राउ
संसार पोष्ट
नवलपरासी, १९ साउन । पश्चिम नवलपरासीमा ११ बर्षीया बालिकालाई पटक पटक सामुहिक बलात्कार गरी फरार रहेका मध्ये थप एक जनालाई नवलपरासी प्रहरीले पक्राउ गरेको छ ।
गुल्मी जिल्लाको सत्यवती गाउँपालिका साविक जुहाङ्ग गाविस ६ तल्लो हटिया घर भई हाल सुनवल नगरपालिका ४ बस्दै आएका ५५ बर्षीय शिव श्रेष्ठलाई प्रहरीले पक्राउ गरेको हो ।
श्रेष्ठलाई उनको गुल्मी स्थित घरबाट पक्राउ गरी जबरजस्ती करणी मुद्दामा म्याद थप गरी अनुसन्धान गरिरहेको प्रहरीले जनाएको छ ।
यस अघि प्रहरीले सोही घटनामा सम्लग्न सुनवल नगरपालिकाका ६० बर्षीय नारायण श्रेष्ठ र ४१ बर्षीय लोकबहादुर खत्रीलाई पक्राउ गरेको थियो ।
उनीहरुले बालिकाको घरमा कोही नभएको बेला विगत डेढ महिनादेखि फरक फरक स्थान र फरक फरक समयमा पटक पटक जबरजस्ती करणी गर्दै आएको पाइएको जिल्ला प्रहरी कार्यालय नवलपरासीले जनाएको छ ।
