स्याङ्जा । सवारी दुर्घटनामा परी स्याङ्जा जिल्लाको चापाकोट नगरपालिकाका पूर्वप्रमुख शिव गिरीको मृत्यु भएको छ ।
बा १५ च १७०९ नम्बरको ‘स्कारपियो’ गाडी शुक्रवार राती अनियन्त्रित भई दुर्घटना हुँदा प्रमुख गिरीको मृत्यु भएको जिल्ला प्रहरी कार्यालय स्याङ्जाका प्रवक्ता रविन्द्र खनालले जानकारी दिनुभयो । चापाकोट–४ दार्सिङ निवासी ६० वर्षीय गिरीलाई उपचारका लागि स्याङ्जा जिल्ला अस्पताल लगिएकोमा अस्पतालले राती ११ः४० मा मृत घोषणा गरेको थियो ।
राङखोलाबाट स्याङ्जातर्फ जाँदै गरेको स्कारपियो गाडी शुक्रवार राति ११ बजे पुतलीबजार–१० राङखोलास्थित सिद्धार्थ राजमार्गमा दुर्घटनामा परेको थियो । प्रहरीले पुतलीबजार–९ कोल्मा बस्ने ३२ वर्षीय सवारी चालक सुरज नेपाली र स्कारपियो नियन्त्रणमा लिएको छ ।
