प्युठान । प्यूठानमा कार दुर्घटना हुँदा आठ जनाको मृत्यु भएको छ । मृतक आठै जनाको पहिचान खुलेको प्युठान प्रहरीले जनाएको छ ।
स्वर्गद्वारी मन्दिरको दर्शन गरेर फर्किंदै गरेको तीर्थयात्री बोकेको लु १ च ६३४५ नम्बरको कार सोमबार दिउँसो दुर्घटनामा परेको थियो ।
स्वर्गद्वारी नगरपालिका ४ उपल्लो भिङ्ग्रीमा भएको दुर्घटनामा दाङको तुलसीपुर १५ कोठरीका ३५ वर्षीया सरिता शर्मा पोखरेल, उनका १४ वर्षका छोरा विशाल पोखरेल र ९ वर्षका विकाश पोखरेल, दाङको लमही नगरपालिका ७ गढवाका ४० वर्षीय गोबिन्द शाह, उनकी श्रीमती ३० वर्षीया राधा नेपाली र उनीहरूकै ९ वर्षका छोरा आदित शाहको मृत्यु भएको पहरीले जनाएको छ ।
प्रहरीका अनुसार कार चालक दाङको लमहीका ताराबहादुर कुमालको यसअघि नै सनाखत भइसकेको छ ।
