भैरहवा । सरकारी छाप दस्तखत किर्ते मुद्धामा १ बर्ष १ महिना ६ दिन कैद फैसला भईप mरार रहेका अभियुक्तलाई रुपन्देही प्रहरीले ३३ बर्ष पछी पक्राउ गरेको छ ।
रुपन्देही जिल्ला अदालतको २०४७ साल बैशाख १३ गतेको फैसलाले सरकारी छाप दस्तखत किर्ते मुद्धामा १ बर्ष १ महिना ६ दिन कैद सजाय भई ३३ वर्ष फरार रहेका रुपन्देहीको साविक सुर्यपुरा गाविस वडा नं ९ हाल गैडहवा गाउँपालिका वडा नं. ०६ मोजरहवा बस्ने बर्ष ६४ को मंगल प्रसाद यादवलाई यही जेठ २८ गते पक्राउ गरिएको प्रहरीले जनाएको छ ।
ईलाका प्रहरी कार्यालय सुर्यपुराबाट खटिएको प्रहरी टोलीले निज यादवलाई आफ्नै घरबाट पक्राउ गरी फैसला कार्यान्वयनका लागि जिल्ला अदालतमा उपस्थित गराईएकोमा कैद भूक्तानको लागि जिल्ला कारागार कार्यालय भैरहवा पठाइएको प्रहरीले जनाएको छ ।
