विद्युत पोलमा ठोकिएर तिलोत्तमामा स्कार्पियो दुर्घटना : १ जनाको मृत्यु ५ घाइते

तिलोत्तमा । सिद्धार्थ राजमार्ग अन्तर्गत बुटवल–भैरहवा सडक खण्ड तिलोत्तमाको योगिकुटीमा स्कार्पियो गाडी दुर्घटना हुँदा एक युवाको ज्यान गएको छ । दुर्घटनामा परी अर्घाखाँची छत्रदेव गाउँपालिका–६ का ३२ वर्षीय विकास श्रेष्ठको मृत्यु भएको प्रहरीले जनाएको छ ।
भैरहवाबाट बुटवलतर्फ आउँदै गरेको स्कार्पियो गाडी राती अन्दाजी पौने ४ बजेको समयमा योगिकुटीको शान्तिकुञ्ज चोकस्थित विद्युतको पोलमा ठोक्किएको थियो । बा २० च १४३८ नम्बरको स्कार्पियो आफै अनियिन्त्रत भई विजुलीको पोलमा ठोक्किदा अन्य ५ जना घाइते भएका प्रहरीले जनाएको छ ।
घाइते हुनेमा अर्घाखाँची छत्रदेव गाउँपालिका–६ का ४५ वर्षीय सुरेन्द्र श्रेष्ठ, ३५ वर्षीय विशाल श्रेष्ठ, ३१ वर्षीय विज्ञान श्रेष्ठ, १८ वर्षीय विप्लव श्रेष्ठ र १७ वर्षीय सुसान श्रेष्ठ रहेको प्रहरीले जनाएको छ । घाइतेहरुको बुटवल स्थित चौराहा अस्पतालमा उपचार भइरहेको छ । घटना बारे थप अनुसन्धान जारी रहेको प्रहरीले जनाएको छ ।