काठमाडौं । नक्कली भुटानी शरणार्थी प्रकरणमा हिरासतमा रहेका पुर्व गृहमन्त्री बालकृष्ण खाँणको पक्षमा बहस गर्न एक दर्जन बढी अधिवक्ताहरु इच्छुक देखिएका छन् ।
नक्कली भुटानी शरणार्थी प्रकरणमा पक्राउ परेका पूर्वगृहमन्त्री बालकृष्ण खाँणका पक्षबाट दुई जना पूर्वमहान्यायाधीवक्तासहित दर्जन बढी कानुन व्यवसायीले बहस गर्नेछन् ।
खाँणका पक्षमा पूर्वमहान्यायाधीवक्ता खम्मबहादुर खाती र महादेव यादवले बहस गर्ने तयारी छ । यसैगरी उहांको पक्षबाट नेपाल बार एसोसिएसनका अध्यक्ष गोपालकृष्ण घिमिरे, पूर्वअध्यक्ष शेरबहादुर केसी र प्रेमबहादुर खड्कासहित दर्जन बढी अधिवक्ताले बहस गर्नका लागि नाम टिपाएका छन् ।
पक्राउ परेका अधिकांशले दुईभन्दा धेरै कानुन व्यवसायी राख्ने तयारी गरेकाले थुनछेक बहस केही दिनसम्म लम्बिने देखिएको छ । बहसपछि उनीहरूलाई थुनामा राख्ने वा धरौटीमा रिहा गर्ने भन्ने आदेश जिल्ला अदालतले दिनेछ ।
उता, सरकारका पक्षवाट भने सरकारी वकिल कार्यालयका अधिबक्ताहरू महेश खत्री, जनक घिमिरे, सीताराम अर्याल, दिनेश भट्टराई, शेरबहादुर परियार, निर्मला मरासिनी र प्रकाश घिमिरेले बहस गर्नेछन् ।
जिल्ला सरकारी वकिल कार्यालयले ३० जनालाई अभियुक्त बनाई जिल्ला अदालतमा संगठित अपराध, राष्ट्रहित विरुद्धको अपराध, सरकारी कागजात किर्ते र ठगी कसुरको अभियोग लगाई मुद्दा दायर गरेको थियो । यो प्रकरणमा १२ जना अझै फरार छन् ।
