सिन्धुली । प्राविधिक शिक्षा तथा व्यावसायिक तालिम परिषद् (सीटीईभीटी)को जिप सुनकोशीमा खस्दा तीन जना बेपत्ता भएका छन् । एक जनाको उद्धार गरिएको छ ।
काठमाडौंबाट खोटाङ जाँदै गरेको बा १ झ ७४६७ नम्बरको स्कर्पियो जिप मध्यपहाडी राजमार्ग अन्तर्गत गोलञ्जोर गाउँपालिका वडा नं.–७ लौकुनबाट सुनकोशी नदीमा खसेको हो ।
शुक्रबार विहान करिव ११ः३० वजे सो जीप नदीमा खसेको हो । प्रहरीका अनुसार गाडी सडकबाट करिव १ सय ५० मिटर तल खसेको छ ।
गाडीमा सवार चार जना मध्ये दाङको राप्ती घर भएका ३१ वर्षीय चालक कृष्ण चौधरीको उद्धार गरिएको छ । तीन जना बेपत्ता छन् । घाइते भएका चालक चौधरीको स्थानीय स्वास्थ्य संस्थामा उपचार भैरहेको छ ।
जिल्ला प्रहरी कार्यालय सिन्धुलीका अनुसार सिटिइभिटी प्रशासन महाशाखाका निर्देशक सहसचिव ५७ वर्षीय कृष्णबहादुर केसी, योजना महाशाखा निर्देशक ५६ वर्षीय यमप्रसाद भुर्तेल र विद्युत प्रशिक्षक ३२ वर्षीय भानु पौडेल बेपत्ता रहेको र उनीहरुको खोजी भइरहेको छ । नदीमा बेपत्ताहरुको खोजीका लागि घटनास्थलमा प्रहरी परिचालन गरिएको छ ।
