सिरहा । नेपाल प्रहरीले ज्यान सम्बन्धी कसुर अपराधका फरार व्यक्तिलाई १३ वर्ष पछि पक्राउ गरेको छ ।
नेपाल प्रहरीले सिरहा दुर्गापुर ७ हाल गोलबजार, फुलकहकट्टी गा.वि.स. वडा नं. १३ काशिपुर गाउँ बस्ने बर्ष ५१ को जगदिश पासवानलाई शुक्रवार विहान सलेस मन्दिर नजिकबाट पक्राउ गरेको हो ।
घटना विरण अनुसार मिति २०६७÷०१÷२८ गते अन्दाजी २३ः०० बजेको समयमा जिल्ला सिरहा दुर्गापुर ६ हाल गोलबजार, फुलकहकट्टी गा.वि.स. वडा नं. २ बस्ने राम बिलास यादवले “गाउँमा नराम्रो काम गर्दै हिडेको” भन्ने विषयलाई लिएर गाउँ पञ्चायत राखि छलफल गराउने कुरामा दुवै पक्ष बिच विवाद हुदाँ निज राम बिलासले गोली प्रहार गर्दा जिल्ला सिरहा दुर्गापुर गा.वि.स. वडा नं. ६ हाल गोलबजार न.पा. वडा नं. १३ बस्ने बेचन पासवानलाई हात र दाजु नथुनी पासवानलाई छातीमा गोली लागि घईते भएका थिए । घटनामा नथुनी पासवानको घटना स्थलमा मृत्यू भएको थियो ।
सोही घटनाक्रममा जिल्ला सिरहा दुर्गापुर ७ हाल गोलबजार, फुलकहकट्टी गा.वि.स. वडा नं. १३ काशिपुर गाउँ बस्ने जगदिश पासवानले राम बिलास यादवलाई कुटपिट गर्दा यादवको पनि मृत्यु भएको थियो । सो घटना पछि जगदिश पासवान फरार रहेका थिए ।
घटनाको अनुसन्धान गरिरहेको प्रहरीले उक्त घटनामा संलग्न जगदिस पासवान जिल्ला सिरहा गोलबजार, काशीपुर सलेस मन्दिर स्थित वडा एरियामा लुकि छिपी बसेको छ भन्ने सूचनाको आधारमा खोज तलास गर्ने क्रममा शुक्रबार विहान ११ः३० बजेको समयमा सलेस मन्दिर नजिकबाट पक्राउ गरी नेपाल प्रहरी प्रधान कार्यालय केन्द्रीय अनुसन्धान ब्युरोले थप आवश्यक कानुनी कारवाहीको लागि सिरहाको ईलाका प्रहरी कार्यालय मिर्चौयामा बुझाईएको ब्यरोका उपनिर्देशक प्रहरी उपरीक्षक प्रवक्ता एवं सूचना अधिकारी संजय सिंह थापाले जारी गरेको विज्ञप्तिमा उल्लेख गरिएको छ ।
