काठमाडौं । संघीय सरकारका नवनियुक्त दुई मन्त्रीले शपथ ग्रहण गरेका छन् । प्रधानमन्त्री पुष्पकमल दाहाल ‘प्रचण्ड’ को शिफारिसमा राष्ट्रपति रामचन्द्र पौडेलले नियुक्त गरेका दुई मन्त्रीले राष्ट्रपति भवन शितल निवासमा पद तथा गोपनियताको शपथ ग्रहण गरेका हुन् ।
प्रधानमन्त्री दाहालको शिफारिसमा राष्ट्रपति पौडेलले मंगलवार जसपा सांसद वीरेन्द्र महतोलाई वन तथा भूसंरक्षण र प्रमिला कुमारीलाई शिक्षा विज्ञान तथा प्रविधि राज्यमन्त्री नियुक्त गर्नुभएको थियो ।
राष्ट्रपति भवन शीतल निवासमा आयोजित कार्यक्रममा मन्त्री महतोलाई राष्ट्रपति रामचन्द्र पौडेल र राज्यमन्त्री प्रमिलालाई प्रधानमन्त्री पुष्पकमल दाहाल प्रचण्डले पद तथा गोपनियताको शपथ खुवाउनु भएको हो । जसपाबाट यसअघि अशोक कुमार राई शिक्षा मन्त्री बन्नुभएको छ ।
नवनियुक्त वन मन्त्री महतो प्रतिनिधिसभा सदस्य र राज्यमन्त्री प्रमिला राष्ट्रियसभा सदस्य हुन् ।
