बुटवल । लुम्बिनी प्रदेशका नवनियुक्त मुख्य न्यायधिवक्ता वरिष्ठ अधिवक्ता प्राध्यापक डा. बुद्धबहादुर थापाले पद तथा गोपनियताको सपथ लिएका छन् ।
थापालाई सोमबार बुटवल स्थित प्रदेश प्रमुखको कार्यालयमा आयोजित कार्यक्रममा उच्च अदालत तुलसीपुरका कायम मुकायम मुख्य न्यायाधीश डा.रत्नबहादुर बागचनले पद तथा गोपनियताको सपथ गराएका हुन् ।
लुम्बिनी प्रदेशका मुख्यमन्त्री डिल्लीबहादुर चौधरीले बुटवल उपमहानगरपालिका ९ निवासी थापालाई आजै मुख्यन्यायाधिवक्तामा नियुक्तिका लागि प्रदेश प्रमुख समक्ष सिफारिस गरेका थिए ।
नेपालको सविधानको धारा १६० को उपधारा २ बमोजिम थापालाई मुख्य न्यायधिवक्तामा सिफरिस गरिएको मुख्यमन्त्री तथा मन्त्रीपरिषदको कार्यालयले जनाएको छ ।