काठमाडौं । नेपाल उद्योग वाणिज्य महासंघको जिल्ला नगर कार्यसमिति सदस्यमा बुटवल उद्योग बाणिज्य संघका अध्यक्ष उज्ज्वल कसजू निर्वाचित भएका छन् । कसजु सहित जिल्ला नगर कार्यसमिति सदस्यमा १८ जना निर्वाचित भएका छन् ।
निर्वाचित हुनेहरुमा उज्ज्वलप्रसाद कसजु, मोहन प्रसाद श्रेष्ठ, प्रयास कार्की, अब्दुल वाहिद मन्सुर, कल्पना गैरे, किशोर कुमार आचार्य, केशब प्रसाद भण्डारी, अमरेश चन्द्र बैदार, ताराबहादुर कार्की, नविन रिजाल, उमेश डालमिया, बेदबहादुर श्रेष्ठ, कृष्ण कुटवाल, पुष्पराज कुंवर,अनिलकृष्ण श्रेष्ठ, गोकुल श्रेष्ठ, निरक केसी र लक्ष्मण राज पौडेल रहेका छन् ।
उपाध्यक्षमा वैद्य र ढकाल विजयी
महासंघको जिल्ला नगर उपाध्यक्षमा सुरकृष्ण वैद्य र वस्तुगत उपाध्यक्षमा हेमराज ढकाल विजयी भएका छन् । वैद्य रामचन्द्र संघाइ पक्षका र ढकाल उमेशलाल श्रेष्ठ समूहका हुन् ।
वैद्य ४३ मत प्राप्त गरी विजयी हुंदा अन्य प्रत्यासी अरुणराज सुमार्गीले ३७ र दिनेश श्रेष्ठले ३४ मत प्राप्त गरेका छन् ।
यसैगरी वस्तुगत उपाध्यक्षमा हेमराज ढकालले ६१ मतसहित विजयी हुंदा निकटतम प्रतिस्पर्धी मनिषलाल प्रधानले ५२ र शकुन्तलाल हिराचनले सात मत पाएको निर्वाचन समितिले जनाएको छ ।
एसोसिएट उपाध्यक्षमा ज्योत्स्ना श्रेष्ठ विजयी
महासंघको निर्वाचनको जारी मतगणनामा एसोसिएटतर्फको उपाध्यक्ष पदमा ज्योत्स्ना श्रेष्ठ विजयी भएकी छन् । प्राप्त नतिजाअनुसार ८४६ मत प्राप्त गरी श्रेष्ठ एसोसिएट उपाध्यक्ष निर्वाचित भएकी हुन् । उनका प्रतिस्पर्धी भरत आचार्यले ७८१ मत प्राप्त गरेका छन् ।
एसोसिएटतर्फ १ हजार ७ सय ५० मतदाता थिए । भरत आचार्य अन्जन श्रेष्ठ र उमेशलाल श्रेष्ठ प्यानलका संयुक्त उम्मेदवार हुन् । विजयी ज्योत्स्ना श्रेष्ठ रामचन्द्र संघाई प्यानलकी उम्मेदवार हुन् ।
