भैरहवा । जिल्ला प्रहरी कार्यालय भैरहवा, रुपन्देहीले बिभिन्न अपराधमा संलग्न भई जिल्ला अदालत रुपन्देहीले कैद सजाय फैसला गरेका विभिन्न मुद्धाका १३ जना फरार प्रतिवादीहरुलाई पक्राउ गरेको छ ।
पक्राउ पर्नेमा सबै रुपन्देहीको देवदह नगरपालिकाका रहेका प्रहरीले जनाएको छ । प्रहरी चौकी खैरेनीबाट खटिएको प्रहरी टोलीले उनीहरुलाई निजहरुकै घर वतनवाट पक्राउ गरी
१७ महिना १६ दिन कैद तथा जरिवाना भुक्तानका लागि जिल्ला अदालत रुपन्देहीमा वुझाएको प्रहरीले जनाएको छ । उनीहरुवाट १ लाख ७४ हजार १५३ रुपैयाँ १३ पैसा जरिवाना अशुल गरिएको समेत प्रहरीले जनारुएको छ ।
पक्राउ पर्नेमा जिल्ला अदालतको मिति २०७२।१०।२५ गतेको फैसलाले जुवा मुद्धामा २०० जरिवानाभएका फरार देवदह नगरपालिका वडा नं. १ बस्ने कान्छी गुरुङ र हरिप्रसाद खनाल, २०७६।०९।०६ गतेको फैसलाले ठगी मुद्धामा १ बर्ष कैद र रु.२५ हजार जरिवाना भएका फरार देवदह– ११ बस्ने दामोदर चौधरी र २०६४।०९।३० गतेको फैसलाले वन मुद्धामा १ महिना कैद भएका फरार प्रतिवादी देवदह–२ बस्ने गंगा राम बि.क. रहेका छन् ।
यस्तै मिति २०७१।०३।२९ गतेको फैसलाले वनमुद्धामा १५ दिन कैद र रु.४३ हजार २०० जरिवाना भएका फरार प्रतिवादी देवदह– ५ शितलनगर बस्ने दल बहादुर थापा, देवदह– ५ शितलनगर बस्ने टेक वहादुर सुनार, देवदह– ५ शितलनगर बस्ने यम बहादुर क्षेत्री, मिति २०६४।०९।३० गतेको फैसलाले वन मुद्धामा १ महिना कैद र रु.५०० जरिवाना भएका फरार देवदह– २ बस्ने रमेश कुमाल र मिति २०६३।०२।०१ गतेको फैसलाले वन मुद्धामा ३ हजार ६५३ रुपैयाँ १३ पैसा जरिवाना भएका फरार प्रतिवादी देवदह– ६ बस्ने धनुवा कान्छो कामी रहेका छन् ।
यसैगरी मिति २०७६।०३।२३ गतेको फैसलाले चोरी अन्य मुद्धामा रु.३ हजार जरिवाना भएका फरार प्रतिवादी देवदह– १ भमरावारी बस्ने सागर खवास, मिति २०७३।०५।०६ गतेको फैसलाले साधारण चोरी मुद्धामा १ दिन कैद र रु.५ हजार जरिवाना भएका फरार देवदह– १ बस्ने राम बहादुर लामा तामाङ, मिति २०७१।१०।१७ गतेको फैसलाले सार्वजनिक मुद्धामा रु.५ हजार जरिवाना भएका फरार देवदह– ८ बस्ने निशव श्रेष्ठ र मिति २०४४।०२।०९ गतेको फैसलाले बहुबिवाह मुद्धामा २ महिना कैद र रु.२ हजार जरिवाना भएका फरार प्रतिवादी देवदह– ५ बस्ने धुव्र कुमार श्रेष्ठ रहेका छन् ।
