बुटवल । बुटवल बहुमुखी क्याम्पसमा स्ववियु निर्वाचनको लागि तोकिएको समयतालिका अनुसार अनेरास्ववियूले निर्वाचनको आचारसंहिता उल्लंघन गरेकोमा आत्मालोचना गरेको छ । त्यस्तै निर्वाचन समितिले समेत अनेरास्ववियूलाई सजग बनाएको छ । आज क्याम्पसमा भएको ६ विद्यार्थी संगठनका नेताहरुकोे बैठकले आचारसंहिता उल्लंघन गर्नेलाई आत्मालोचना गराएको हो । आगामी दिनमा कोही कसैले पनि आचारसहिंता विरुद्धका गतीविधि हुन नदिने विद्यार्थी संगठनका नेताले प्रतिवद्धता जनाएका छन् ।
बैठकले केन्द्रिय अनुगमन समितिवाट प्राप्त पत्रलाई छलफलमा ल्याई सोही अनुसार आचारसहिंता पालना गर्ने, मतगणनामा एक पटकमा १ जनामात्र बस्न पाउने र सो व्यक्ति क्याम्पसको परिचयपत्र धारी विद्यार्थी हुनुपर्ने निर्णय गरेको छ । निर्वाचनमा फरक परिचयपत्रमा आएको पाईएमा ततकालकानुनी कारवाही गर्ने, क्याम्पसमा भर्ना भएको व्यक्ति भएको खण्डमा क्याम्पसवाट निष्कासन गर्ने निर्णय भएको विद्यार्थी नेताहरुले हस्ताक्षर गरि जारी गरेको निर्णयमा उल्लेख गरिएको छ । आईतवार पूर्वघोषित समय तालिकामा बुटवल बहुमुखी क्याम्पसको निर्वाचन गर्न विद्यार्थी संगठन बीच सहमती भएको छ ।
