बुटवल । रोटर्याक्ट क्लब अफ लुम्बिनी बाणिज्य क्याम्पसको आयोजनामा जिल्लास्तरीय अन्तरविद्यालय हाजिरीजवाफ प्रतियोगिता सम्पन्न भएको छ । क्लवका अध्यक्ष दिपक अधिकारीको अध्यक्षतामा सम्पन्न हाजिरीजवाफ प्रतियोगितामा सहभागी विद्यालयहरुबाट एकजना छात्रासहित तीनजनाको समूहलाई सहभागी गराइएको थियो ।
रोटरी क्लव अफ बुटवलको सचिवालयमा प्रतियोगिता सञ्चालन गरिएको थियो । गत फागुन १० गते लुम्बिनी वाणिज्य क्याम्पसमा छनोट चरणको कार्यक्रमबाट ६ वटा समूह अन्तिम चरणको हाजिरीजवाफ प्रतियोगितामा प्रवेश गरेका थिए । ती मध्ये कान्ति मावि प्रथम, एभरेष्ट मावि द्वितीय र मणिमुकुन्द मावि तृतीय भएका छन् । प्रथम, द्वितीय र तृतीय लाई नगद रु ७ हजार, ५ हजार र ३ हजारका साथै मेडल र प्रमाणपत्रले सम्मान गरिएको थियो भने अन्य सहभागी समूहहरूलाई प्रमाणपत्रले सम्मान गरिएको थियो ।
प्रतियोगिताको रोटरी क्लव अफ बुटवलका अध्यक्ष बोनिन पियाले पहिलो प्रश्न सोधेर उद्घाटन गर्नुभएको थियो । कार्यक्रममा रोट¥याक्ट क्लब अफ लुम्बिनी बाणिज्य क्याम्पसका पूर्व अध्यक्षहरु, कुमारी बैंक बर्दघाट शाखाका शाखा प्रमुख कृष्ण पन्थी, क्याम्पस प्रतिनिधिहरु र क्लबका सदस्यहरूको सहभागिता रहेको थियो । अमृत पौडेल, विशाल आचार्यको संयोजकत्व र क्लबका सदस्यहरूको सक्रियतामा कार्यक्रम सम्पन्न भएको हो ।
