भैरहवा । जिल्ला प्रहरी कार्यालय रुपन्देहीले अबैध नदिजन्य पदार्थ उत्खनन गरिरहेको अवस्थामा १३ वटा सवारी साधन नियन्त्रणमा लिएको छ ।
जिल्ला प्रहरी कार्यालयको अबैध नदिजन्य पदार्थ उत्खनन नियन्त्रण गर्ने अभियान अन्तर्गत जिल्ला प्रहरी कार्यालय तथा मातहत प्रहरी युनिट समेतबाट खटिएको प्रहरी टोलीले ती सवारी साधन नियन्त्रणमा लिएको जिल्ला प्रहरी कार्यालय रुपन्देहीले जनाएको छ ।
प्रहरीका अनुसार प्रहरी टोलीले रुपन्देही देवदह नगरपालिका, ओमसतिया गाउँपालिका, रोहिणी गाउँपालिका र सुद्धोधन गाउँपालिकाबाट अबैध नदिजन्य पदार्थ उत्खनन गरिरहेको अवस्थामा ९ वटा ट्याक्टर ३ वटा जेसिवी र १ वटा टिप्पर गरी १३ वटा सवारी साधनहरु नियन्त्रणमा लिएको हो ।
प्रहरीले नियन्त्रणमा लिएका सवारी साधनलाई आवश्यक कारवाहीको लागि सम्बन्धित स्थानीय निकायहरुमा पठाइएकोमा सवारी धनीले जरिवाना वापतको राजश्व रकम जम्मा रु. २ लाख ६८ हजार बुझाएकोले उक्त सवारी साधनहरु छाडिएको प्रहरीले जनाएको छ ।
