भैरहवा । रुपन्देही क्षेत्र नम्बर १ (२) मा नेपाली काँग्रेसका नेता अब्दुल रज्जाक विजयी भएका छन् । रज्जाकले एमालेका दधिराम न्यौपानेलाई पराजित गरेका हुन् ।
काँग्रेसका रज्जाकले ८२९ मतले एमालेका न्यौपानेलाइ पराजित गर्दै लुम्बिनी प्रदेशसभा सदस्यमा निर्वाचित भएको निर्वाचन अधिकृतको कार्यालयले जनाएको छ । निर्वाचन अधिकृतको कार्यालयका अनुसार प्रदेशसभा सदस्यमा निर्वाचित रज्जाकले १२ हजार १२१ मत प्राप्त गर्दा निकटतम प्रतिद्वन्द्वी एमालेका न्यौपानेले ११ हजार २९५ मत प्राप्त गरे । रज्जाक नेपाली काँग्रेसका केन्द्रीय सदस्य तथा पूर्व राज्यमन्त्री हुन् ।
रुपन्देही क्षेत्र नम्बर १ (२) मा मत गणना सकिए पनि निर्वाचित भएको औपचारिक घोषणा गर्न बाँकी रहेको सहायक निर्वाचन अधिकृत सिता घिमिरेले बताइन् ।
