यूएईसँगको एक दिवसीय क्रिकेट सिरिजको उपाधि नेपालले जित्यो

काठमाण्डौ । नेपालले युएईविरुद्धको एक दिवसीय सिरिजको उपाधि जितेको छ । शुक्रबार भएको अन्तिम तथा निर्णायक खेलमा युएईलाई ६ विकेटले हराउँदै नेपालले सिरिज २–१ ले जितेको हो । यूएईले दिएको एक सय ७७ रनको लक्ष नेपालले ४० ओभर १ बलमा चार विकेट गुमाएर भेटायो ।
सोमबारबाट सुरु भएको सिरिजमा पहिलो खेलमा युएईलाई ८४ रनको नतिजा सुम्पिएको नेपालले दोस्रो खेलमा ६ विकेटको जित निकालेको थियो । शुक्रबार त्रिवि क्रिकेट मैदानमा भएको तेस्रो खेलमा युएईले दिएको १७७ रनको लक्ष्य नेपालले ४०.१ ओभरमा ४ विकेट गुमाउँदै पुरा गर्यो । नेपालका लागि आसिफ शेखले नटआउट ८८ रन र ज्ञानेन्द्र मल्लले ६४ रन बनाए । बलिङतर्फ यूएईका हजरत बिलाल र आयान अफजल खानले एक/एक विकेट लिए ।
यसअघि त्रिवि क्रिकेट मैदानमा टस हारेर पहिला ब्याटिङ गरेको यूएईले निर्धारित ५० ओभरमा नौ विकेट गुमाएर एक सय ७६ रन बनायो । यूएईका लागि आयान अफजल खानले नटआउट ५४ रन र अलिशान शराफुले ३३ रन बनाए । बलिङतर्फ नेपालका गुलशन झा, कुशल भुर्तेल र दिपेन्द्रसिंह ऐरीले दुई\दुई विकेट लिए ।
नेपालका लागि ज्ञानेन्द्र मल्ल र ओपनर आसिफ शेखले अर्धशतकिय पारी खेले । मल्लले ७३ बलमा ७ चौका र ३ छक्काको मद्धतमा ६४ रनको योगदान गरे । शेखले नटआउट रहँदै ११९ बलमा १२ चौकाको मद्धतमा ८८ रन बनाए । अर्का ओपनर अर्जुन साउद ९ रनमै आउट भए ।
कप्तान रोहित पौडेल १० रनमा रन आउट भए । युएईका हजरत बिलाल र आयान अफजल खानले एक÷एक विकेट लिए ।
यो जितसँगै नेपालले श्रृङ्खला दुई–एकले आफ्नो पक्षमा पारेको हो । योसँगै नेपालले घरेलु मैदानमा पहिलो पटक श्रृङ्खला जितेको हो । गएको चैतमा पपुवा न्युगिनी (पीएनजी) सँगको दुई खेलको एकदिवसीय श्रृङ्खलामा भने नेपाल पराजित भएको थियो ।