रुपन्देहीमा एकिकृत समाजवादीको चुनावी अभियान तिव्र

बुटवल । नेकपा एकिकृत समाजवादीले रुपन्देहीमा चुनावी प्रचार अभियानलाई तिव्र पारेको छ । रुपन्देहीमा प्रत्यक्षतर्फ उम्मेदवार नभएपनि गठबन्धनका साझा उम्मेदवारसँगै एकिकृत समाजवादीले चुनावी प्रचार अभियानलाई तिव्र पारेको हो ।
संविधान, गणतन्त्र, संघीयता र समावेशिता रक्षाका लागि गठबन्धनका उम्मेद्वार जिताउने अपिल सहित समानुपाकितमा कलम चुनाव चिन्हमा मतदानको आह्वान गर्दै चुनावी प्रचारलाई जारी राखिएको नेकपा एकिकृत समाजवादी रुपन्देहीका अध्यक्ष अविराम विश्वकर्माले बताए ।
उनले आफुहरुको पक्षमा जनलहर बढ्दै गएको बताउँदै सामाुनपातिकमा पार्टीलाई भोट हाल्न अपिल गरे । मंसिर ४ गतेका लागि गठबन्धनमा आबद्ध दल नेकपा एकिकृत समाजवादीले रुपन्देहीबाट समानुपातिक तर्फ प्रतिनिधिसभामा १ सहित प्रदेशसभामा ६ जना उम्मेदवार बनाएको छ ।
प्रतिनिधिसभातर्फ कल्पना माण्डब्य, प्रदेशसभा तर्फ युवा नेतृ सरिता श्रीस, हिराध्वज शाह, भगवती घिमिरे, उमा काफ्ले, रामधारी यादव र सुमित्रा यादव उम्मेदवार छन् । प्रदेशसभा सदस्य तर्फ पहिलो नम्बरमा सिफारिश सरिता श्रीसले चुनावी अभियान ५ वटै प्रतिनिधिसभा निर्वाचन क्षेत्रमा सञ्चालन गरिएको बताईन ।