कपिलवस्तु, ४ कात्तिक । कपिलवस्तुमा सशस्त्र प्रहरी सवार मिनी ट्रक दुर्घटना हुंदा दुई जनाको मृत्यु भएको छ । शुक्रबार साँझ जिल्लाको बाणगंगा नगरपालिका वाड नं. ३ सिउटीमा सशस्त्र प्रहरीको ट्रक दुर्घटना हुँदा २ जनाको मृत्यु भएको छ भने आधा दर्जन बढी घाइते भएका कपिलवस्तु प्रहरीले जनाएको छ । थानीय प्रतक्ष्यदर्शीले बताएका छन् ।
प्रहरीका अनुसार ना १ ग ५५४ नं. को मिनी ट्रक दुर्घटना हुँदा सवारी चालक सशस्त्र प्रहरी जवान रमेश चौधरी र स्थानीय साइकलमा सवार अमर तङनामीको मृत्यु भएको हो ।
प्रत्यक्षदर्शीका अनुसार चारनम्बरबाट तौलिहवातर्फ जाँदै गरेको सशस्त्र प्रहरीको ट्रक अनियन्त्रित हुँदै साइकलमा सवार यात्रीलाई ठक्कर दिँदै दुर्घटनामा परेको हो । दुर्घटनामा सातजना घाइते भएका छन् । घाईते मध्ये तीनजनाको अवस्था गम्भीर रहेकाले थप उपचारका लागि बुटवल पठाइएको छ भने अन्य ४ जनाको सामुदायिक अस्पताल चारनम्बरमा उपचार भइरहेको छ ।
