५ लाख बढिको अवैध चाँदी सहित दुई भारतीय नागरिक पक्राउ

भैरहवा, २८ असोज । जिल्ला प्रहरी कार्यालय रुपन्देहीले कुल ५लाख ५९ हजार ४११ बराबरको अवैध चाँदी सहित र मोटरसाईकल बरामद गर्नुका साथै दुईजना भारतीय नागरिक लाई पक्राउ गरेको छ ।
बरामद चाँदी, मोटरसाइकल र मानिसलाई आवशयक कारवाहीको लागि भन्सार कार्यालय बेलहिया रुपन्देहीमा बुझाइएको रुपन्देही प्रहरीले जनाएको छ ।
भारत वाट नेपाल तर्फ भन्सार छली चोरी पैठारी गरी अबैध रुपमा चाँदी ओसार पसार हुदै छ भन्ने गोप्य सूचानका आधारमा जिल्ला प्रहरी कार्यालयबाट खटिएको प्रहरी अधिकृत समेतको टोलीले जिल्लाको सिद्धार्थनगर नगरपालिका वडा न. ०२ मेउडिहवामा शंकास्पद मानिस तथा सवारी साधनहरुलाई चेकजाचँ गर्ने क्रममा अवैध चाँदी सहित मोटरसाइकल र मानिसलाई विहीबार पक्राउ गरेको हो ।
प्रहरीले जिल्ला महाराजगंज थाना कोलही भारत बस्ने बर्ष २५ को भारतिय नागरिक शैलेन्द्र वर्माले चलाई ल्याएको यूपी २५८९९१७ नम्बरको मोटर साईकलको पछाडी सवार सोही ठाउँ बस्ने बर्ष २६ को सतेन्द्र बर्मा समेतको शरीर खानतालसी गर्दा उक्त मोटर साईकलको डिक्की भित्र लुकाई छिपाई राखेको ७ पिस चाँदी ( ४ किलो ५२२ ग्राम ) र मोटरसाईकल सहित अन्दाजी मूलय ५ लाख ५९ हजार ४११ रुपैयाँ बरावरको सामान बरामद भएको प्रहरीले जनाएको छ । प्रहरीले बरामद चाँदी, मोटरसाईकल र मानिसलाई आवश्यक कारवाहीको लागि भन्सार कार्यालय बेलहिया पठाइएको जनाएको छ ।