सेमलार, २ कात्तिक । नेपाल सरकारका गृहमन्त्री बालकृष्ण खाँणले रुपन्देहीको मोतीपुुरमा ‘स्मार्ट मोतीपुर’ औद्योगिक क्षेत्र स्थानीयकै सहमतिमा र कोही बिस्थापित हुननपर्ने गरी निमार्ण हुने विस्वास दिलाउनुुभएको छ । स्थानीयको सहमति र सहभागिता बिना बन्ने बिकास निमार्ण दिर्घकालीन हुन नसक्ने भन्दै उहाँले औद्योगिक क्षेत्र निमार्ण गर्दा पुुस्तौ देखि बसोबास गर्दै आएका स्थानीयहरु बिस्थापित हुुननपर्ने गरी काम अगाडी बढाईएको जानकारी दिनुुभयो ।
नेपाली कांग्रेसका केन्द्रीय सदस्य एवं गठबन्धनको तर्फबाट रुपन्देही क्षेत्र नं ३ का प्रतिनिधीसभा उम्मेदवार समेत रहनुुभएका मन्त्री खाँणले चुनावी प्रचार प्रसारका क्रममा बुटवल उपमहानगरपालिका १४ मा आयोजित कार्यक्रमलाई सम्वोधन गर्दै स्थानीयको रायसुुझाव र सहमति बेगर बिगतमा औद्योगिक क्षेत्र निमार्ण गर्न खोज्दा समस्या भएको उल्लेख गर्दै समस्या समाधानकालागि कार्यदल बनिसकेको र कार्यदलको सुुझाव अनुसार नै काम अगाडी बढ्ने बताउनुुभयो । पाँच वर्षभित्र निर्माण पूरागर्ने गरी २०७२ चैत १ मा औद्योगिक क्षेत्र निर्माण गर्ने घोषणा गरिएको भएपनि स्थानीयको अवरोध र जग्गाको क्षेत्र एकिन नहुँदा औद्योगिक क्षेत्र निर्माणको काम अलपत्र परेको थियो । यो समस्या समाधान गर्नको लागि गृहमन्त्री खाँणकै पहलमा बनेको कार्यदलले औद्योगिक क्षेत्रको जग्गा नापजाँच गरिसकेको छ । प्राविधिक टोलीले उपलब्ध गराउने तथ्यांकका आधारमा औद्योगिक क्षेत्र बनाउन योग्य जग्गा र अन्य जग्गा छुट्याएर औद्योगिक क्षेत्रका लागि सिफारिश गर्ने र सोही क्षेत्रमा औद्योगिक क्षेत्र बन्ने कार्यदलका संयोजक एवं जिल्ला समन्वय समिति रुपन्देहीका सयोजक उमाकान्त चपाईले जानकारी दिनुुभयो ।
‘अहिले औद्योगिक क्षेत्रको जग्गा ८१३ बिगाहा भन्ने लालपूर्जा आएपनि कहाँदेखि कहाँसम्मको जग्गा भन्ने एकिन नभएकाले विवाद थियो, अब यो विवाद हट्नेछ, स्थानीयको पनि चित्त बुझ्नेछ र औद्योगिक क्षेत्र निर्माणको काम अघि बढ्नेछ’–उहाँले भन्नुभयो । २०२६ सालदेखि जोतभोग गर्दै आएका र लालपुर्जा नै रहेका जग्गा जसको हो उसैलाई दिलाउने प्रक्रिया कार्यदलले बुझाउने प्रतिवेदन पछि अघि बढ्ने गरी काम अगाडी बढेको छ ।
मन्त्री खाँणले चुनावी प्रचार प्रसार अभियान अन्तर्गत बुटवल १५ र १६ मा आयोजित चुनावी सभा तथा प्रचार प्रसार कार्यालय उद्घाटन कार्यक्रमलाई पनि सम्वोधन गर्नुभएको थियो ।
