नेपालको संबिधान संसारकै उत्कृष्ट संबिधान : प्रदेश प्रमुख शेरचन
सियारी, ४ असोज । रुपन्देहीको सियारी गाउँपालिकाले विभिन्न विधाबाट समाजमा योगदान पुर्याएका व्यक्तिलाई सम्मान गरेको छ । गाउँपालिका भित्र स्थायी ठेगाना भई शिक्षा, स्वास्थ्य, रोगजार, समाजसेवा र पर्यापर्यटन क्षेत्रमा उल्लेखनिय योगदान पु¥याएका ८ जनालाई पालिकाले सम्मान गरेको हो ।
गाउँपालिकाले सामाजिक विधाबाट सियारी ६ का भवानी शंकर सापकोटा, शिक्षा बिधाबाट सियारी २ का डा. रामप्रसाद आचार्य, सामाजिक तथा शिक्षा विधाबाट सियारी ६ का भरत अर्याल, सामाजिक तथा शिक्षा बिधाबाटै सियारी ७ का सुन्दर प्रसाद गुप्ता, महिला विकास बिधाबाट सियारी ४ की विना सुवेदी, स्वास्थ्य बिधाबाट डा. बिष्णु पौडेल, खोज अनुसन्धान तथा स्वास्थ्य सेवाबाटै सियारी ४ का डा. बिष्णु मरासिनी र पर्यापर्यटन विधाबाट सियारी ४ का गौरब गौतमलाई सम्मान गरेको गाउँपालिका अध्यक्ष थानेश्वर घिमिरेले जानकारी दिए ।
उनीहरुलाई संबिधान दिवसको अवसर पारेर लुम्बिनी प्रदेशका प्रमुख अमिक सेरचनले दोसल्ला ओढाएर सम्मान गरेका थिए । सम्मान पछि बोल्दै प्रदेश प्रमुख सेरचनले नेपालको संबिधान संसारकै उत्कृष्ट संबिधान भएको उल्लेख गर्दै यसको कार्यन्वयनमा लाग्न सबै पक्षलाई आग्रह गरे । प्रदेश प्रमुख सेरचनले संबिधानले निर्दिष्ट गरेका कुरालाई कार्यान्वयन गर्न सके नेपालको आर्थिक, सामाजिक, राजनैतिक तथा साँस्कृत पक्षको बिकास भई मुलुकको बृहत्तर विकास हुने उल्लेख गरे ।
संविधानकै कारण सम्पुर्ण नागरिकले आफ्नै घरदैलोमा सरकार भेटाउन पाएका छन्, यही सरकारले नागरिकका समस्या बुझेर सम्बोधन गर्दै पनि आएको छ प्रदेश प्रमुख सेरचनले भने–‘लोकतन्त्रको मसिया ठान्ने देशका संबिधानले पनि यति राम्रो गरी सम्बोधन गर्न सकेको छैन ।’
गाउँपालिका अध्यक्ष थानेश्वर घिमिरेले बिभिन्न क्षेत्रबाट सियारीको पहिचानमा टेवा पु¥याएका व्यक्तिलाई सम्मान गरिएको बताए । अध्यक्ष घिमिरेले शिक्षा, स्वास्थ्य, पर्यटन, सामाजिक तथा महिलाका क्षेत्रबाट समाजका लागि बिशेष योगदान पु¥याएका ८ जनालाई सम्मान गरिएको बताउदै यस कार्यले सियारीको गरिमा बढाउने अपेक्षा लिएको बताए । उनले सियारीको उन्नयनमा टेवा पु¥याउने व्यक्तिलाई निरन्तर सम्मान गर्दै जाने बताए ।
प्रमुख प्रशाशकिय अधिकृत रोमनाथ न्यौपानेको स्वागत र लेखा अधिकृत नारायण पौडेलको सञ्चालनमा भएको कार्यक्रममा समाजसेवी भवानी शंकर सापकोटा, मेगनाथ शर्मा, बिना सुवेदी, सुर्यनारायण यादव, डा. रामप्रसाद आर्चाय, वडा नम्बर ५ का अध्यक्ष धनपति खरेल, नेकपा एसका नेता श्रीराम यादव लगाएतले बोल्दै सियारीले सामाजिक उत्तरदायित्व अन्तरगत उल्लेखनिय कार्य गर्दै आएको बताए ।
सो अवसरमा संविधान दिवसको अससरमा आयोजना गरिएको कविता प्रतियोगितामा प्रथम, द्वित्तीय, तृतिय र सान्त्वना भएका शिक्षक तथा शिक्षिकालाई पुरस्कार वितरण गरिएको थियो ।
