सालझण्डी । इलाका प्रहरी कार्यालय सालझण्डी, रुपन्देहीले सवारी ज्यान मुद्दामा २ वर्ष र वहुविबाहमा डेढ वर्ष कैद र जरिवाना ठहर भएका फरार ब्यक्तिहरुलाई एकैदिन पक्राउ गरेको छ ।
प्रहरीका अनुसार उच्च अदातल तुलसीपुर बुटवल ईजलासको मिति २०७८ कार्तिक १७ गतेको फैसलाले सवारी ज्यान मुद्दामा २ वर्ष कैद र नगद रु. आठ हजार जरिवाना ठहर भई रुपन्देही जिल्ला अदालतको लगत नं ८०५७ अनुसार फरार रहेको जिल्ला रुपन्देही तिलोत्तमा नगरपालिका वडा नं ४ बस्ने बर्ष २१ को परिवर्तित नाम “५० क बहादुर“(तत्कालिन अबस्थामा नाबालक रहेकोले) – वास्तविक नाम कुशल पुरी लाई पक्राउ गरेको हो ।
प्रहरीले खोजतलास गर्दै जाँदा मिति २०७९ भाद्र १६ गते ईलाका प्रहरी कार्यालय सालझण्डीको प्रहरी टोलिले फेला पारी पक्राउ गरी फैसला कर्यान्वयनको लागि रुपन्देही जिल्ला अदालतमा उपस्थित गराएको छ ।
मिति २०७६÷३÷२१ गते तिलोत्तमा नगरपालिका वडा नं ३ शंकरनगरस्थित सिद्धार्थ राजमार्गमा तत्काल सवारी चालक अनुमति पत्र नभईकन राजमार्गंमा मोटरसाईकल चलाउँदै गर्दा उक्त मोटरसाईकललाई पछाडिबाट लाईसेन्स नभएका आफ्नै साथीले ठक्कर दिँदा क बहादुर(कुशल पुरी) ले चलाईरहेको मोटरसाईकलमा सवार निजहरुकै साथी राहुल खत्रीको सोहि दुर्घटनामै मृत्यु भएको थियो । उनीहरुलाई रुपन्देही जिल्ला अदालतले समेत २ बर्ष कैद र रु.८ हजार जरिवाना गर्ने फैसला गरेको थियो । सो फैसला उपर पुनरावेदन गरेकोमा उच्च अदालतले जिल्ला अदालतको फैसलालाई सदर गरेको थियो । अदालतले सजाय फैसला गरेका अन्य फरार व्यक्तिको खोजि भैरहेको सालझण्डीका प्रहरी निरिक्षक जगन्नाथ मरासिनीले बताए ।
बहुबिवाह मुद्दामा डेढ वर्ष कैद र जरिवाना ठहर भई फरार रहेका जंगबहादुर पक्राउ
यस्तै रुपन्देही जिल्ला अदालतको मिति २०७४ फागुन ५ गतेको फैसलाले बहु बिवाह मुद्दामा १ वर्ष ६ महिना कैद र रु.१० दश हजार जरिवाना ठहर भई रुपन्देही जिल्ला अदालतको लगत नं. ५९९३ अनुसार फरार रहेका जिल्ला रुपन्देही कन्चन गाउँपालिका वडा नं. १ बस्ने बर्ष ३१ को जगं बहादुर थारुलाई सालझण्डी प्रहरीले पक्राउ गरेको छ ।
प्रहरीले खोजतलास गर्दै जाँदा ईलाका प्रहरी कार्यालय सालझण्डीको प्रहरी टोलिले निज जंग बहादुर थारुलाई मिति २०७९ भाद्र १६ गते पक्राउ गरी फैसला कर्यान्वयनको लागी सम्मानित रुपन्देही जिल्ला अदालतमा उपस्थित गराएको छ ।
