सालझण्डी, १२ साउन । घाँस काट्न जङगलमा गएकी युवतिलाई एक्लै पारी जवरजस्ती करणी गर्न खोज्ने एक जना पुरुषलाई ईलाका प्रहरी कार्यालय सालझण्डी रुपन्देहीले पक्राउ गरेको छ । यही साउन १० गते मंगलबार बिहान करिब नौ बजेपछि गाँउकै महिला दिदी नाता पर्नेसँग घाँसदाउरा गर्न स्थानीय एक युवती जङगल गएकोमा उनकी दिदी केहि समयमै जरुरी कामले फर्किएपछि युवतीलाई जंगलमा एक्लै देखि जवरजस्ती करणी उद्योग गर्ने सैनामैना नगरपालिका वडा नं ५ मलमलाटोल बस्ने बर्ष ४८ को निलमणी दमाईलाई ईलाका प्रहरी कार्यालय सालझण्डको प्रहरी टोलीले पक्राउ गरेको हो ।
सैनामैना नगरपालिका अन्तरगत तुलबुलिया खोलाको पुर्वपट्टी रहेको नेवारडाँडोको करिब पाँच सय मिटर माथिको जंगलमा घाँस काटि भारी पुर्याईरहँदा युवतीलाई बारुलाले टोकेपछि होहल्ला गरेको सुनि सोहि जंगलमा दाउरा काट्न गएका निलमणि दमाईले के भयो भनि सहयोग गर्ने बाहनामा गई एकान्त पारी युवतिको संवेदनशील अङगहरुमा छुन खोजि जवरजस्ती करणी गर्न खोजेकोमा बल प्रयोग गरी जंगलैजंगलको बाटो हुँदै युवती भागेर जंगलबाट निस्किएकी थिईन् ।
जवरजस्ती करणी उद्योग घटनाकी पिडित युवती १९ बर्षिया रहेको प्रहरीले जनाएको छ । बिवाहित समेत रहेकी युवतिलाई निलमणी दमाईद्वारा साउन १० गते दिउँसो करिब १२ः३० बजेको समयमा जवरजस्ती करणीको प्रयास(उद्योग) भएकोमा बलपूर्वक ति व्यक्तिको पञ्जाबाट उम्किएर घर आईपुगेपछि आफूमाथि भएको घटना तत्काल ससुरालाई सुनाउँदा लुकाएर नराखी प्रहरीलाई भन्नुपर्छ भनेपछि उनले तुरुन्तै सालझण्डी प्रहरीलाई खबर गरेकी थिईन् ।
खवर पाउनासाथ तत्काल घटनास्थल पुगेको प्रहरी टोलीले घटनामा संलग्न बर्ष ४८ को निलमणी दमाईलाई लुकिछिपी बसिरहेको अवस्थामा पक्राउ गरी करणी सम्बन्धी कसुर (उद्योग) अन्तर्गत म्याद थप गरि थप अनुसन्धान भईरहेको ईलाका प्रहरी कार्यालय सालझण्डीका प्रहरी निरीक्षक जगन्नाथ मरासिनीले बताए ।
