एमाले यातायात विभागले यातायात क्षेत्रको अनियमितता रोक्न पहल गर्ने

बुटवल, ११ साउन । नेकपा एमाले भौतिक पूर्वाधार तथा यातायात व्यवस्था विभागको बैठकले यातायात क्षेत्रमा भैरहेको अनियमितता, भ्रष्टाचार र लापरवाहीको अध्ययन अनुगमन गर्ने निर्णय गरेको छ ।
बुधबार विभागका प्रमुख कुमार थापामगरको अध्यक्षतामा बुटवलमा बसेको बैठकले दुर्घटना न्युनीकरणका लागि विज्ञहरुसँग रायसुझाव लिने निर्णय समेत गरेको छ ।
विज्ञहरुसँगको सुझावका आधारमा समग्र यातायात क्षेत्र सुधारका लागि बृहत कार्यशाला गोष्ठीको आयोजना गर्ने निर्णय पनि बैठकले गरेको विभागका प्रमुख कुमार थापामगरले जानकारी दिनुभयो । यातायात कार्यालयहरुबाट प्रदान गरिने सेवा प्राप्त गर्न विचौलियाको सहयोग लिनुपर्ने वाध्यता बर्षौंदेखि चल्दै आएको भन्दै बैठकले यो बिषयलाई रोक्न राज्यसँग कुनै स्पष्ट दृष्टिकोण नभएको ठहर समेत गरेको छ
बैठकमा एमाले पोलिटब्यूरो सदस्य लिला गिरी, लुम्बिनी प्रदेश अध्यक्ष राधाकृष्ण कंडेल, उपाध्यक्ष भोजप्रसाद श्रेष्ठलगायतले समसामयिक विषयमा आ–आफ्नो धारणा राख्नुभएको थियो ।