रुपन्देहीको कञ्चनमा ४२ क्यूफिट अवैध सालको (गोलिया) काठ बरामद

भैरहवा, ९ साउन । रुपन्देही प्रहरीले ठूलो परिमाणमा अवैध सालको गोलिया काठ बरामद गरेको छ । जिल्ला प्रहरी कार्यालय रुपन्देही मातहत ईलाका प्रहरी कार्यालय रुद्रपुरबाट खटिएको प्रहरी टोलीले साउन ८ गते आईतबारका दिन जिल्लाको कञ्चन गाउँपालिका वडा नं.५ डाँडालाइनमा अबैध रुपमा लुकाइ छिपाइ राखेको ४२ क्यूफिट सालको गोलिया काठ बरामद गरेको हो ।
प्रहरीले अन्दाजी मूल्य रु. २ लाख १० हजार बराबरको ४२ क्यूफिट अवैध सालको (गोलिया) काठ जनप्रतिनिधी र स्थानीय मानिसहरुको रोहबरमा बरामद गरि आवश्यक कारवाहीको लागि रुद्रपुर सामुदायिक उपभोक्ता समूह रुपन्देहीमा पठाईएको ईलाका प्रहरी कार्यालय रुद्रपुरले जनाएको छ ।