हेटौडा, ८ साउन । नेपाली कांग्रेसको शुभेक्षुक संस्था नेपाल प्रेस युनियनको अध्यक्षमा शिव लम्साल निर्वाचित हुनुभएको छ । संस्थापन पक्षकी अनिता बिन्दूलाई पराजित गर्दै लमसाल अध्यक्षमा निर्वाचित हुुनुभएको हो ।
युनियनको वरिष्ठ उपाध्यक्ष र महासचिव पनि लम्साल प्यानलकै निर्वाचित भएका छन् । वरिष्ठ उपाध्यक्षमा प्रेम केसी र महासचिवमा दिलिप पौडेल निर्वाचित हुनुभएको छ । खुला उपाध्यक्षमा लम्साल प्यानलका नकुल अर्याल तथा खुला उपाध्यक्षमा संस्थापन पक्षका भीष्मराज ओझा र कोषाध्यक्षमा पनि संस्थापन पक्षका माधव धिताल विजयी हुनुभएको छ ।
खुला महिला उपाधयक्षमा लम्साल प्यानलकी सलोजा दाहाल, निर्वाचित हुनुभएको छ । यस्तै उपत्यका उपाध्यक्षमा जिवन भण्डारी र लुम्बिनी प्रदेश उपाध्यक्षमा माधव प्रसाद अर्याल निर्वाचित हुनुभएको छ ।
