नागरिकता विधेयक पारितभएको खुशियालीमा बुटवल र तिलोत्तमामा काँग्रेसको दीपावली

बुटवल । प्रतिनिधि सभाबाट नागरिकता सम्बन्धि विधेयक पारित भएको खुशियालीमा रुपन्देहीको बुटवल र तिलोत्तमामा नेपाली काँग्रेसले दीपावली गरेको छ ।
विधेयक पारित भएकै राति नेपाली काँग्रेस बुटवल उपमहानगर समितिले बुटवलको ट्राफिक चोकमा दिपावली गरी खुशियाली मनाएको हो ।
नेपाली नागरिक भएर पनि नागरिकताबाट बन्चित भएका नागरिकहरूले अब नागरिकता पाउने भएको खुशियालीमा नेपाली काँग्रेसले दिपावली गरेको हो । गठबन्धनको सरकारले संविधानसभाको कार्यान्वयन गर्दै नागरिकता विधेयक प्रतिनिधिसभाबाट पास गरेर सहि निर्णय गरेको नेपाली काँग्रेस रूपन्देहीका सभापति रामकृष्ण खाँणले बताउनुभयो । विधेयक पास भएको खुशीयालीमा रूपन्देही भरी विभिन्न कार्यक्रमको आयोजना गर्ने सभापति खाँणले बताउनु भयो ।
नेपाली काँग्रेस बुटवल नगर समितिका सभापति तथा उपमहानगरपालिकाका मेयर खेलराज पाण्डेयले अब नेपाली नागरिकले नागरिकता विहिन भएर समस्या झेल्नु नपर्ने बताउनुभयो । आमाको नाउबाट पनि नागरिकता प्राप्त गर्न सकिने भएकाले अब नेपाली नागरिक भएर पनि नागरिकता विहिन हुनु नपर्ने उहांको भनाई छ ।
नागरिकता सम्बन्धि विधेयक प्रतिनिधिसभाबाट पारित भएको खुशियालीमा दिपावली गरेको काँग्रेस बुटवल नगर सचिव छायाँ पोखरेलले जानकारी दिनुभयो ।
यस्तै नेपाली कांग्रेस तिलोत्तमा नगर समितिले पनि रुपन्देहीको मणिग्राम चोकमा दीपावली गरेको छ । विधेयक पास भएपछि अव कुनै पनि नागरिकले नागरिकताको समस्या झेल्नु नपर्ने नगर सभापति हरिलाल पाण्डेले बताउनु भयो ।