बुटवल, २९ जेठ । नेपालका ४० जिल्लामा आफ्नो सेवाविस्तार गरेको स्कूल म्यानेजमेन्ट सिस्टम वेद एपले बुटवलमा एक ईभेन्टको आयोजना गरेको छ ।
रिईमेजिनिङ एडुकेसन ः टेक्नोलोजी रोल ईन एड्रेसिङ च्यालेन्जेज नामक ईभेन्टको उद्धेश्य शिक्षा क्षेत्रका चुनौतीहरुलाई प्रविधिले सहज तुल्याउन सक्छ र वेद एपलाई सफल एपको उदाहरणको रुपमा प्रस्तुत गर्नु र यस क्षेत्रका विद्यालयलाई वेद एपमार्फत पूर्णत डिजिटलाईज र पेपरलेस बनाउने रहेको छ ।
रुपन्देही, कपिलवस्तु र नवलपरासीका करिव ३ सय निजी तथा सरकारी विद्यालयका प्रध्यानाध्यापक र अन्य शैक्षिक क्षेत्रसंग सम्वद्ध संघ, संगठनका व्यक्तित्वहरुको सहभागितामा जेठ २८ गते टाईगर प्यालेस रिसोर्ट भैरहवामा कार्यक्रम भएको हो ।
वेद एपको संस्थापक नेपाली युवा विद्यार्थी सुजित पाठक, निर्दोस द्वा र संजन पिया हुन् । सन २०१४ मा युवाको एक समूहले ईन्ग्रेल्स नामको कम्पनि दर्ता गरी काम शुरु गरेका थिए । छोटो समयमै ८ सय वढी विद्यालयमा वेद एपको सफल संचालन भईरहेको छ । उक्त कम्पनीमा हाल ७० वढी दक्ष जनशक्ति रहेका छन् ।
वेद एपले नेपाल बाहिर बु्रनई देशमा पनि आफ्नो सेवा विस्तार गरेको छ भने भारत तथा बंगलादेशमा विस्तारको क्रममा रहेको छ ।
कोभिड पश्चात शिक्षा क्षेत्रमा बढेको प्रविधिको माग र आवश्यकताले गर्दा वेद एपको प्रयोग पछिल्लो समय ह्वात्तै बढेको एपका एक संस्थापक सुजित पाठक बताउँछन् । बुटवलमा वेद एपले यहाँको स्थानीय सफ्टवेयर निर्माणकर्ता सिस्टमेटिक सफ्टवेयरसंगको सहकार्यमा बजार विस्तार गर्दैछ ।
सिस्टमेटिक सफ्टवेयर यस क्षेत्रमा वि सं. २०६३ सालमा स्थापना भई स्कुल, कलेज, सहकारी, व्यापार, व्यावसायको लागि माग बमोजिमको सफ्टवेयर निर्माण गर्दै आएको संस्था हो ।
वेद एपले सिस्टमेटिकसंग सहकार्य गरी यस क्षेत्रका आधादर्जन प्रतिष्ठित विद्यालयलाई २–३ वर्षदेखि सेवा दिदै आएको छ ।
यो एपको सुविधा लिने विद्यालयले प्रति विद्यार्थी १५० रुपैयाका हिसावले वार्षिक रुपमा शुल्क तिर्नु पर्ने हुन्छ ।
