तिलोत्तमा ३, ५ र ६ का वडाध्यक्ष पौडेल, डुम्रे र पाठकद्वारा पदभार ग्रहण

तिलोत्तमा, १३ जेठ । रुपन्देहीको तिलोत्तामा नगरपालिकाका १७ वटै वडाका नवनिर्वाचित वडाअध्यक्षहरुले शुक्रबार पदभार ग्रहण गरेका छन् ।
तिलोत्तमा नगरपालिकामा आयोजित विशेष समारोहमा नवनिर्वाचित नगर प्रमुख रामकृष्ण खाँणले उप प्रमुख जागेश्वर देवी चौधरी सहित १७ वटै वडाका वडाअध्यक्षहरुलाई पद तथा गोपनियताको सपथ ग्रहण गराएपछि वडाअध्यक्षहरुले आआफ्नो वडामा गएर पदभार ग्रहण गरेका हुन् ।
यस्तै तिलोत्तमा ३ का नवनिर्वाचित वडाअध्यक्ष कल्याण पौडेलले पनि पदभार ग्रहण गरेका छन् । नगरपालिकामा पद तथा गोपनियताको सपथ लिएसंगै वडा कार्यालयमा आयोजित एक कार्यक्रमका विच वडाअध्यक्ष पौडेलले पदभार ग्रहण गरेका हुन् । यस्तै वडा सदस्य चुडाकुमारी विष्ट, खुला सदस्य नारायण क्षेत्री, विष्णु बहादुर थापा र दलित महिला सदस्य लक्षमी घिलेले पनि पदभार ग्रहण गरेका छन् ।
सो अवसरमा नवनिर्वाचित वडाध्यक्ष पौडेलले जनताको मतको कदर गर्दै सबैको साथ, सहयोग र सल्लाहबाट वडाको समग्र बिकासमा लाग्ने प्रतिवद्धता ब्यक्त गरे । कार्यक्रमा निवर्तमान वडाअध्यक्ष टंक तिवारी, वडा सचिव गोकुल गिरी, वडाका कर्मचारी लगायतको उपस्थिति रहेको थियो ।

यसैगरी तिलोत्तमा ५ का नवनिर्वाचित वडाअध्यक्ष रमेश डुम्रेले पनि पदभार ग्रहण गरेका छन् । वडा कार्यालयमा आयोजित विशेष कार्यक्रमका विच वडाअध्यक्ष डुम्रेले पदभार ग्रहण गरेका हुन् ।
डुम्रेसंगै महिला सदस्य धर्मादेवि न्यौपाने, दलित महिला सदस्य प्रमिला सुनार, खुला सदस्य हरि पन्थ र हिरा गिरिले समेत पदभार ग्रहण गरेका छन् ।
पदभार लिएसंगै वडाअध्यक्ष डुम्रेले अब वडा भित्रका सम्पूर्ण व्यक्तिगत घटना दर्ताका लागि वडावासी वडा कार्यालय धाउन नपरोस् भनी नागरिकको घरदैलोबाट नै उक्त सुबिधा दिने प्रतिवद्धता जनाए । त्यसैगरि डुम्रेले चुनावका बेला जनता तथा वडावासी मतदाता समक्षा बाचा गरिएका र प्रतिबद्धता पत्रमा समावेश गरिएका विषयहरुलाई प्राथमिकताका आधारमा कार्यान्वयन गर्दै जाने दाबी गरे । वडा कार्यालयमा नवनिर्वाचित जनप्रतिनिधिहरुलाई वडा सचिव टिकाराम अर्याल लगायतका कर्मचारीले स्वागत गरेका थिए ।

यसैक्रममा वडा नम्बर ६ का नवनिर्वाचित वडाध्यक्ष गणेश पाठकले पदभार ग्रहण गरेका छन् । शुक्रबार एक कार्यक्रमबीच नवनिर्वाचित वडाध्यक्ष पाठकले पदभार ग्रहण गरेका हुन् । वडा सदस्यहरु सिता खनाल गौतम, दलित महिला सदस्य गीता गन्धर्व, खुला सदस्य गोविन्द रिजाल र पूर्ण प्रसाद आचार्यले पदभार ग्रहण गरेका हुन् ।
पदभार ग्रहण गर्दै वडाअध्यक्ष पाठकले जनताले दिएको मतको कदर गर्दै र निर्वाचनका बेला जनता तथा वडावासी मतदाता समक्ष बाचा गरेका प्रतिवद्धता पुरा गर्दै समग्र वडाको विकासको लागि आफूहरु लाग्ने प्रतिवद्धता जनाए ।