सर्वोत्तम टिपिएल रुपन्देहीमा शुरु, ज्ञानोदय र जेवी वारीयसको विजय शुरु

बुटवल, १९ चैत्र । रुपन्देहीको प्रतिष्ठित क्रिकेट प्रतियोगिता सर्वोत्तम टिपिएल २०७८ शुक्रबारदेखि शुरु भएको छ । प्रतियोगिताको एक समारोहका बिच तिलोत्तमा नगरपालिकाका नगरप्रमुख बासुदेव घिमिरेले उद्घाटन गर्दै खेलकुदको विकासका लागि संघ, प्रदेश र स्थानीय सरकारको सहयोग रहेको बताउनु भयो ।
तिलोत्तमा क्रिकेट विकास समितिको आयोजनामा नवजिवन क्रिकेट मैदानमा भएको उद्घाटन खेलमा नेपथ्य ज्ञानोदय गोल्ड्स विजयी भएको छ । ज्ञानोदयले भैरहवा ११ माथि १७ रनको जित निकालेको हो ।
टस जितेर ब्याटिङ गर्न उत्रेको ज्ञानोदयका ब्याटसम्यानहरुले १९दशमलव ६ ओभर खेल्दै १ सय २५ रनको योगफल तयार गरेका थिए ।
मध्यम लक्ष्य पछयाएको भैरहवा ११ का ब्याट्सम्यानहरु १७ दशमलव ५ ओभरमा १ सय ८ रनमा अलआउट भएका थिए । ज्ञानोदयका जितेन्द्र यादव म्यान अफ दी म्याचबाट पुरस्कृत भएका थिए । त्यस्तै दोस्रो खेलमा जेवी वारियसले एकोन च्यालेन्जलाई ५७ रनले पछाडी पार्दै विजयी भएको हो । पहिला व्याटिङ रोजेको जेवि वारियसले १३८ रनको लक्ष्य दिएकोमा एकोन १९ ओभरमा केवल ८० रनमा समेटिएको थियो । खेलमा जेवि वारियसका वसिर अहमद म्यान अफ दी म्याचबाट पुरस्कृत भएका छन् ।