बुटवल, ७ फागुन । नेपाली कांग्रेस बुटवल १० ले आयोजना गरेको कार्यक्रममा ३० जना युवा अन्य पार्टी परित्याग गरेर नेपाली कांग्रेसमा प्रवेश गरेका छन् । पार्टीको वडा समितिले ७२ औं प्रजातन्त्र दिवसको अवसर पारेर आज आयोजना गरेको सम्मान, प्रशिक्षण तथा अन्तरसम्बाद कार्यक्रममा ती युवाहरु कांग्रेसमा प्रवेश गरेका वडा समितिले जनाएको छ ।
नव प्रवेशीहरुलाई पार्टीमा स्वागत गर्दै नेपाली कांग्रेस रूपन्देहीका सभापति रामकृष्ण खांणले नेपाली कांग्रेस जनताको पार्टी भएकाले निर्वाचनमा कांग्रेसलाई बिजयी बनाउन आग्रह गर्नुभयो ।
अबको निर्बाचनमा कांग्रेसलाई हार्ने छुट नभएको र युवा बर्ग संगठन मजबुत बनाउन लाग्नुपर्ने बताउदै उहांले निर्बाचन कुनै हालतमा हुने भएकाले ब्यक्ति होइन पार्टी जिताउने अभियानमा लाग्न आग्रह गर्नुभयो ।
वडा सभापति क्याप्टेन किसन बहादुर थापा मगरको अध्यक्षतामा भएको कार्यक्रममा वडाबाट प्रतिनिधित्व गर्दै पार्टीको बिभिन्न जिम्मेवारीमा पुगेकाहरुलाइ सम्मान गरिएको थियो । पार्टीले क्षेत्रीय सभापति हरि लम्साल, महाधिबेशन प्रतिनिधि गंगा गुरुङ, जिल्ला सदस्य झपट(जे वी) गुरुङ, नेपाल सांस्कृतिक संघका लुम्विनी प्रदेश संयोजक डिल्ली नारायण पाण्डे, प्रदेश प्रतिनिधि शर्मिला पाण्डे, चन्द्रकला बुढाथोकी, पत्रकार कपिल ज्ञवाली र माधव पौडेललाई सम्मान गरेको हो ।
कार्यक्रममा नेपाली कांग्रेस रुपन्देही २ नम्वर क्षेत्रका सभापति हरि लम्साल, जिल्ला सदस्य जेबी गुरूङ, प्रदेश सभा २ क का सभापति खडक बहादुर महत, बुटवल नगर सभापति खेलराज पाण्डे, नेपाल सांस्कृतिक संघका संयोजक डिल्लीनारायण पाण्डे, वडा उपसभापति रामकुमार श्रेष्ठ, वडा सचिब प्रकाश भट्टराई लगायतले बोल्दै आउने निर्वाचनमा सबै एकजुट भएर कांग्रेस उम्मेदवारहरुलाई विजयी बनाउनुपर्ने वताउनु भयो ।
कार्यक्रममा प्रशिक्षक डिल्ली नारायण पाण्डे र किशोर कुमार खनालले प्रशिक्षण दिनुभएको थियो ।
