रुपन्देही प्रहरीद्वारा ७ लाख बढिको अबैध काठ बरामद

भैरहवा, १४ कात्तिक । जिल्ला प्रहरी कार्यालय रुपन्देही मातहत ईलाका प्रहरी कार्यालय धकधईबाट खटिएको प्रहरी टोलीले ७ लाख बढिको अबैध काठ सहित एउटा ट्याक्टर नियन्त्रणमा लिएको छ ।
प्रहरी नायव निरीक्षक हरि नारायण श्रेष्ठको कमाण्डमा खटिएको गस्ती प्रहरी टोलीले आज बिहान रोहिणी गाउँपालिका वडा नं. ४ पकडीहवामा लु २ त ४६११ नं. को ट्याक्टरमा लोड गरी राखेको ७ लाख ५० हजार मुल्यको अबैध सगुन र बकाईनोको ५२ गोलिया काठ बरामद गरेको हो । प्रहरीले उक्त काठ ट्याक्टर सहित नियन्त्रणमा लिई आवश्यक कारवाहीको लागि डिभिजन वन कार्यालय रुपन्देहीमा पठाईएको जिल्ला प्रहरी कार्यालयका प्रवक्ता प्रहरी नायव उपरीक्षक सत्यनारायण थापाले बताउनु भयो ।