बुटवल, १३ कात्तिक । रोटरी क्लव अफ बुटवल बर्ष २०२१–२२ को १७ औं र क्लवको १३८७ औं नियमित बैठक शनिबार सम्पन्न भएको छ । क्लवका अध्यक्ष प्रा.डा. ताराप्रसाद उपाध्यायको अध्यक्षतामा बसेको बैठकको एजेण्डा रोटरी इन्फर्मेशन रहेको थियो ।
बैठकमा रोटरी इन्फर्मेशनबारे आफ्नो प्रस्तुति राख्दै क्लव एडमिन्स्ट्रेशन स्ट्यान्डिङ कमिटी चेअर रोम शर्माले रोटरी टिमवर्कमा काम गर्ने सामाजिक संस्था भएकाले रोटरीले गर्ने हरेक कामहरुमा सफलता प्राप्त हुँदै गएको बताउनु भयो । टिमवर्कमा काम गरेमात्रै संस्था सफल हुन्छ भन्ने कुरालाई सबै रोटरीयनहरुले बुझ्न जरुरी रहेको पनि उहांले बताउनु भयो । उहांले रोटरी इन्टरनेशनल कन्भेन्सनमा सहभागिताका लागि रोटरीयनहरुले ध्यान दिनुपर्ने कुराहरुबारे पनि जानकारी गराउनु भएको थियो ।
बैठकमा रोटरीयनहरु कृष्णप्रसाद अर्याल, मणिरत्न पाण्डे, गोपाल अधिकारीलगायतले आरआई कन्भेन्सनका विषयमा विभिन्न जिज्ञासा तथा सुझाव राख्नुभएको थियो । बैठकमा क्लवका पुर्व अध्यक्ष राजेन्द्र लम्सालले ब्लड कलेक्शन भ्यान सञ्चालनका लागि भैरहेका कामबारे जानकारी गराउनुभएको थियो भने कोषाध्यक्ष गोपाल बस्यालले पोलियो सम्बन्धि जनचेतना ¥यालीको आय व्यय विवरण प्रस्तुत गर्नुभएको थियो ।
त्यस्तै बैठकमा रोटरीयनहरु विष्णु काफ्ले, दिपकप्रसाद श्रेष्ठलगायतले पनि आफ्नो धारणा राख्नुभएको थियो ।
