बुटवल, ३ असोज । लुम्बिनी प्रदेश सरकारले ५७ जनालाई प्रदेश पदकले विभुषित गर्ने गरि नामावली सार्वजनिक गरेको छ । सरकारले गठन गरेको पदक सिफारिश समितिको सिफारिश अनुसार संविधान दिवसको अवसरमा आईतवार १० वटा विधाका पदकबाट विभुषित हुनेहरुको नाम राजपत्रमा प्रकाशित गरि घोषणा गरेको हो ।
पदक पाउनेमा सामाजिक संघसंस्था, व्यापारिक पैंचो पसल, पत्रकार, निजामती कर्मचारी देखि वेपत्ता परिवार समेत रहेका छन् । प्रदेश प्रमुख सेवा पदक क १ जनालाई, प्रदेश प्रमुख सेवा पदक ख २ जनालाई, प्रदेश प्रमुख सेवा पदक ग ४ जनालाई दिइने भएकोछ ।
यस्तै मुख्यमन्त्री प्रज्ज्वलदीप पदक क १ जनालाई, मुख्यमन्त्री प्रज्ज्वलदीप पदक ख २ जनालाई, मुख्यमन्त्री प्रज्ज्वलदीप पदक ग २ जनालाई दिइनेछ । प्रदेश सेवा समर्पण क एकजनालाई, प्रदेश सेवा समर्पण ख १५ जनालाई, प्रदेश सेवा समर्पण ग २ जनालाई दिइने प्रदेश राजपत्रमा उल्लेख छ । यस्तैगरी उजिरसिंह दीप पदक ख ४ जनालाई, उजिरसिंह दीप पदक ग २ जनालाई, समाजसेवाश्री पदक क १ जनालाई, ख ८ जनालाई, ग २ जनालाई, प्रदेश रत्न पदक ख १ जनालाई, ग २ जनालाई, पुथाश्री शिखर पदक ग १ जनालाई, प्रदेश प्रज्ञा पद क ख २ जनालाई दिइने भएको छ ।
यस्तै प्रजापति गौतमी पदक ख १ जनालाई, ग २ जनालाई, दंगीशरण बलिहाङ पदक ख १ जनालाई र ग १ जनालाई दिइने राजपत्रमा उल्लेख छ । यी पदक प्रदेश स्थापना दिवसका अवसरमा फागुन ३ गते प्रदान गरिनेछ ।
