बुटवल, २८ भदौ । काठमाडौंको नयाँ बानेश्वरमा मुख्य कार्यालय रहेको मञ्जुश्री फाईनान्स लिमिटेडले एकैपटक रुपन्देही जिल्लाको ४ स्थानमा शाखा कार्यालय स्थापनागरि सेवा शुभारम्भ गरेको छ । फाईनान्सले आफ्नो बाह्रौं, तेह्रौं चौधौ र पन्ध्रौ शाखा कार्यालय रुपन्देही जिल्लाको मुर्गिया, योगिकुटि, मणिग्राम, र भैरहवामा स्थापनागरि कारोबार शुभारम्भ गरेको छ ।
मञ्जुश्री फाईनान्स लिमिटेडको सञ्चालक समितिका अध्यक्ष र सञ्चालकहरुको सहभागितामा शाखा कार्यालयको उद्घाटन गरिएको हो । फाईनान्सको यस अघि नारायणगढ, न्युरोड–काठमाडौं, पाल्पा रोड बुटवल, धनगढी, इटहरी, विराटनगर, नेपालगञ्ज, धरान, पोखरा र विरगञ्जमा ११ वटा शाखा रहेका छन् । रुपन्देहीमा थप खोलिएको ४ सहित फाईनान्सका शाखा संख्या १५ पुगेको प्रमुख कार्यकारी अधिकृत संतोष निरौलाले बताउनु भयो ।
२०७८ साल अषाढ मसान्त सम्म ९६ करोड ५३ लाख चुक्तापुँजी एवं ५० करोड डिवेन्चर जारी गरेको राष्ट्रिय स्तरको यस फाईनान्सले ८ अर्ब ९१ करोड निक्षेप संकलनगरि ७ अर्ब ९५ करोड कर्जा लगानी गरेको छ । फाईनान्सको योगिकुटी शाखाकी शाखा म्यानेजर पुजा घिमिरेले फाईनान्सले लोकप्रियता कमाउनमा बचतमा बढी र लगानीमा कम व्याजदर लिनु र दिनु रहेको बताउनु भयो ।
यसका साथै यस फाईनान्सले विप्रेशण, मोवाइल बैकिङ्ग, इन्टरनेट बैकिंङ्ग र एटिएम सेवालगायत सरल कर्जा र निक्षेपमा आकर्षक ब्याजदरको सुविधा दिंदै आएको छ ।
