भैरहवा, २२ भदौ । जिल्ला प्रहरी कार्यालय रुपन्देही र कार्यालय मातहतका विभिन्न प्रहरी ईकाईहरुले सोमबार र मंगलबार आ–आफ्नो वडा ईलाकाहरुबाट ११ लाख बढीको अबैध माल–सामान र अबैध कारोबारमा संलग्न मानिसहरुलाई पक्राउ गरेको छ । प्रहरीले चाड पर्व शुरु भएसंगै भारतबाट हुने चोरी तस्करी नियन्त्रणका लागि विशेष अभियान संचालन गरेपछि दिनहुं जसो लाखौं मुल्य बराबरका अवैध सामान बरामद गर्न रुपन्देही प्रहरी सफल भएको छ ।
जिल्ला प्रहरी कार्यालयबाट खटिएको प्रहरी टोलीले जिल्ला रुपन्देही सिद्धर्थनगर नगरपालिका वडा नं.४ स्थित गौतम बुद्ध विमानस्थल नजिकै भारतबाट नेपाल तर्फ अबैध रुपमा ल्याउदै गरेको रु. ५४ हजार बराबरको ब्रोइलर कुखुरा र रु. ५९ हजार बराबरको ३ वटा खसी गरी जम्मा रु १ लाख १३ हजार बराबरको अबैध कुखुरा र खसी बरामद गरेको छ । प्रहरीले जिल्ला रुपन्देही मायादेवी गाउँपालिका वडा नं.७ बस्ने बर्ष २६ को रमजान अन्सारीलाई लु ३३ प ५०१८ नं. र लु १९ प १३४१ नं.को मोटरसाइकल सहित पक्राउ गरेको छ ।
यस्तै ईलाका प्रहरी कार्यालय मर्चवारी मातहत प्रहरी चौकी रोईनिहवा (खजहना) बाट खटिएको प्रहरी टोलीले सम्मरीमाई गाउँपालिका वडा न. ५ बिजगौरीमा भारत बाट अबैध रुपमा भन्सार छली नेपाल तर्फल्याउंदै गरेको ब्रोईलर कुखुरा र चामल गरी जम्मा रु.३८ हजार बराबरको अबैध माल सामान बरामद गरेको छ । बरामद ब्रोईलर कुखुरा पशु कार्यालय क्वारेनटाईनका कर्मचारीको रोहबरमा खाडल खनि गाडेर नष्ट गरेको छ भने र चामल आवश्यक कारवाहीको लागि भन्सार कार्यालय बेलहिया पठाईएको प्रहरीले जनाएको छ ।
यसैगरी ईलाका प्रहरी कार्यालय लुम्बिनी तथा मातहत प्रहरी चौकी कालिदह र अस्थाई प्रहरी बिट महिलावारबाट खटिएको प्रहरी टोलीले भारत बाट भन्सार छली अबैधरुपमा लु ७१ प १२५४ नम्बरको पल्सर मोटरसाइकलमा ल्याउदै गरेको चिनी, किरानाका सामान, श्रृंगारका सामान जेन्स अण्डरवेयर–६८० पिस गरी रु. ३ लाख ४ हजार बराबरको अबैध सामान बरामद गरेको छ ।
यस्तै ईलाका प्रहरी कार्यालय बेलहिया रुपन्देहीबाट खटिएको प्रहरी टोलीले सिद्धार्थनगर नगरपालिका वडा नं.१ का बिभिन्नस्थानहरुमा अवैध रुपमा भन्सार छली भारतवाट नेपाल तर्फ ल्याउँदै गरेको बिभिन्न लत्ताकपडा, किराना सामाग्री र अस्पतालका सामानहरु गरि रु. १ लाख ३४ हजार ५० रुपैयाँ बरावरको अबैध सामान बरमद गर्न सफल भएको छ ।
वडा प्रहरी कार्यालय भैरहवाबाट खटिएको प्रहरी टोलीले जिल्लाको मायादेबी गाउापालिका वडा नं. ८ बिश्वकर्मा मन्दिर नजिकै भारत बाट भन्सार छली अबैधरुपमा ल्याउदै गरेको लत्ताकपडा, श्रृंगारका सामाग्री, किरानाका सामान र मोबाईल सम्बन्धि सामानहरु गरी रु.३ लाख ६८० रुपैयाँ बरावरको अबैध सामान बरामद गरेको छ ।
यस्तै ईलाका प्रहरी कार्यालय धकधई रुपन्देहीबाट खटिएको प्रहरी टोलीले जिल्लाको रोहिणी गाउापालिका २ खरविन्द टोल नजिकै भारतबाट नेपाल तर्फ अबैधरुपमा लु २ प ४२२५ नं. को मोटरसाइकलमा ल्याउंदै गरेको अवस्थामा विभिन्न कम्पनीको १२ थान मोवाईल सेट र मोटरसाइकल सहित रु. २ लाख २० हजार बराबरको अबैध मोबाईल बरामद गरेको छ । प्रहरीले कारोबारमा संलग्न जिल्ला महाराजगंज भारत गजरहवा बस्ने बर्ष २२ को सोहन सहानी र जिल्ला रुपन्देही ओमसतिया गाउँपालिका ३ बस्ने बर्ष २० को शिव सागर धोवीलाई पनि नियन्त्रणमा लिएको जनाएको छ ।
प्रहरीले अबैध सामान र कारोबारमा संलग्न मानिसलाई नियन्त्रणमा लिई आवश्यक अनुसन्धान पश्चात कारवाहीको लागि भन्सार कार्यालय बेलहिया र पशु सेवा क्वारेन्टाईन चेक पोष्ट बेलहिया पठाईएको जिल्ला प्रहरी कार्यालयका प्रवक्ता प्रहरी नायव उपरीक्षक सत्यनारायण थापाले जानकारी गराउनु भयो ।
