भैरहवा, १६ भदौ । नेपाली काँग्रेस रुपन्देही पार्टिको १४ औं महाधिबेसनको तिब्र तयारिमा लागेको छ । पार्टिको १४ औं महाधिबेसन यहि भदौ १८ गते वडा अधिबेशन संगै सुरु हुँदै छ ।
अधिबेशनको तयारी, निर्वाचन निर्देसिका तथा कार्यबिधि बारे काँग्रेस रुपन्देहीले बुधबार पार्टी कार्यालय भैरहवामा जिल्लाका १ सय ५५ वडा सभापति, पालिका, प्रदेश र क्षेत्रिय सभापतिहरुलाइ प्रशिक्षण दिएको छ । रुपन्देहीका १ सय ५५ वडा समितिहरुमा विहिवारदेखि नै १ सय ५५ जना निर्वाचन अधिकृतहरु खटिदै छन् ।
रुपन्देहिमा महाधिवेशनका लागि केन्द्रबाट खटिएका निर्वाचन अधिकृत भेषराज घिमिरेले निर्वाचन समिति अधिबेशनको लागि तयारीमा लागेको र बिहिबारसम्ममा सबै वडाहरुमा निर्वाचन अधिकृत खटाइने बताउनु भयो । निर्वाचन समितिले स्थानीय स्तरमा सहकार्य गरि अधिबेसन गर्ने र १८ गते सम्पन्न हुन नसकेका स्थानमा सहमतिमा अर्को दिन पनि निर्वाचन हुन सक्ने उहांले बताउनु भयो ।
काँग्रेस रुपन्देहीका सभापति अब्दुल रज्जाकले जिल्लामा सर्बसम्मत नेतृत्व चयनको लागि अधिकतम प्रयत्न गरेने र वडा तहमा खटिने निर्वाचनकर्मीहरुलाइ यसमा सहयोग गर्न आग्रह गर्नुभयो । उहांले वडा तह बलियो भएमा पार्टी बलियो हुने हुँदा बिबाद रहित ढंगबाट अधिबेशन हुनुपर्नेमा जोड दिनुभयो ।
पार्टीका पूर्व जिल्ला सभापति रामचन्द्र ढकालले अधिबेशन एउटा पर्व रहेको भन्दै सबैलाई सक्रियरुपमा सहभागि हुन आग्रह गर्नुभयो ।
पार्टी सचिब रामकृष्ण खाँणले सबै तहका अधिबेशन समयमै सम्पन्न हुने भन्दै लोकतन्त्र बलियो बनाउन काँग्रेस बलियो हुनुपर्ने र त्यसकोलागि वडा तह काँग्रेसको जग भएको बताउनु भयो ।
रुपन्देहीमा १ सय ५५ वडामा काँग्रेसका करिब २३ हजार क्रियाशिल सदस्य रहेका छन् । १८ गते हुने वडा तहका निर्वाचनमा वडा समिति संगै गाउँ\नगर, क्षेत्र र जिल्ला कार्यसमितिमा प्रतिनिधित्व गर्ने र चयन गर्ने क्षेत्रिय प्रतिनिधिको निर्वाचन हुने छ ।
