तिलोत्तमा चेम्बरको पहलमा एकहजार व्यवसायीलाई कोरोना खोप

तिलोत्तमा, ३ भदौ । तिलोत्तमा चेम्बर अफ कमर्श रुपन्देहीको पहलमा चेम्बरमा आवद्ध एक हजार सदस्य ब्यवसायीले कोभिड विरुद्धको खोप लगाएका छन् । ब्यवसायीहरुलाई दुई चरणमा गरी कोभिड विरुद्धको खोप लगाईएको हो ।
चेम्बर अफ कमर्शले तिलोत्तमा नगरपालिका र जिल्ला प्रशासन कार्यालयसँगको समन्वयमा व्यवसायीलाई कोभिड विरुद्ध खोपको व्यवस्था गरेको हो । एक हजार जना व्यवसायीले खोप लगाएपनि अझै पनि खोप लगाउन बांकी ब्यवसायी धेरै भएकाले प्रयाप्त खोपका लागि सम्वन्धित निकायसंग माग पहल भैरहेको संस्थाका अध्यक्ष बाबुलाल भुसालले जानकारी गराउनु भयो । छुटेका व्यवसायीलाई अर्को चरणमा खोप लगाउने ब्यवस्था मिलाइने अध्यक्ष भुसालले बताउनु भयो ।
संस्थाको पहलमा बिहीबार तिलोत्तमा नगरपालिकामा पाँचसय जना व्यवसायीलाई भेरोसेल खोप लगाएका र यसअघि पहिलो चरणमा पाँचसय व्यवसायीलाई अमेरिकी जोनसोन एण्ड जोनसोन खोप लगाइएको संस्थाका प्रथम उपाध्यक्ष रामचन्द्र पाण्डेले बताउनु भयो ।
कोरोना महामारीका समयमा व्यवसायीहरु जोखिममा रहेकाले संस्थाको पहलमा खोपको व्यवस्थापन गरिएको संस्थाका महासचिव विष्णु बरालले बताउनु भयो ।